„ვისოლმა“გარემოს დაცვის საერთაშორისო დღე აღნიშნა და ევროპის მოედანზე ელექტროტრანსპორტის გამოფენა მოაწყო.

ღონისძიება მიზნად ისახავდა ეკო-მეგობრული ტრანსპორტის პოპულარიზაციასა და გარემოს მიმართ პასუხისმგებლობის გაცნობიერებას. ასევე მოეწყო ელექტროსკუტერებით ტესტ დრაივი და სახალისო შეჯიბრი, რომელშიც მონაწილეობა ნებისმიერ მსურველს შეეძლო.

„ვისოლ პეტროლიუმ ჯორჯიას“ გენერალური დირექტორის ვასილ ხორავას თქმით, „ვისოლის“ კორპორაციული პასუხისმგებლობის ერთ–ერთი ძირითადი მიმართულება სწორედ გარემოზე ზრუნვაა.

„მოხარული ვართ, რომ ჩვენი წვლილი შეგვაქვს გარემოს დაცვის მიმართულებით. მიმდინარე წლიდან „ვისოლის“ ავტოგასამართი სადგურების ყველაზე ფართო ქსელის განათება სრულიად ეკო–მეგობრულ – „ლედ“ განათებაზე გადაგვყავს. 2017 წლიდან კი, „ვისოლი“ ელექტრომობილების დამტენი სადგურების ქსელს ავითარებს და მიმდინარე წელს უკვე სწრაფ დამტენ სადგურებს ვამატებთ ცენტრალური ავტომაგისტრალის გორისა და თერჯოლის მონაკვეთებზე განთავსებულ დასვენებისა და მომსახურების კომპლექსებზე. ეკო–ტრანსპორტის პოპულარიზაცია და შესაბამისი ინფრასტრუქტურის მოწყობის მზაობა ჩვენი  სტრატეგიული გადაწყვეტილებაა. ელექტრომობილი  ეკომეგობრული ტრანსპორტია, მას არავითარი გამონაბოლქვი და ემისია არ აქვს, უხმაუროდ მოძრაობს და სრულიად ესადაგება ჩვენი კორპორაციული სოციალური პასუხისმგებლობის ხედვას. დღევანდელი ღონისძიებით კი ჩვენ ფართო საზოგადოებას გვსურს ელექტრომობილების შესაძლებლობები და უპირატესობები ვაჩვენოთ, რომ ხელი შევუწყოთ ეკო–მეგობრული ტრანსპორტის პოპულარიზაციას“, – აღნიშნა ვასილ ხორავამ.

„ვისოლი“ ელექტრომობილების დამტენების ქსელს კომპანია „ი–სპეის“–თან თანამშრომლობით ავითარებს.

როგორც „ი-სპეის“-ის აღმასრულებელმა დირექტორმა, სულხან გვალიამ აღნიშნა, „ი-სპეის“-ი საქართველოში ერთადერთი კომპანიაა, რომელიც ელექტრომანქანების დამტენი მოწყობილობების ქსელს ქმნის. მისივე თქმით, დღეის მდგომარეობით საქართველოს მასშტაბით 50-ზე მეტი დამტენია დამონტაჟებული.

ცნობისთვის, „ვისოლმა“ საკუთრებაში არსებული ავტოგასამართი სადგურების ყველაზე ფართო ქსელს ელექტრომობილების დამტენი პირველი სადგური თბილისში, აღმაშენებლის ხეივნის მე–13 კილომეტრზე შემატა. რეგიონში „ვისოლის“ პირველი ელექტროდამტენი სადგური გორში კომპანიამ „ეკო დრაგის“ – ელექტრომობილების რბოლის გამართვით აღნიშნა. მომავალში კომპანია უკვე სწრაფდამტენი სადგურების ქსელს გააფართოებს. აღსანიშნავია, რომ ამ ეტაპზე ელექტრომობილების მძღოლებს საკუთარი ავტომობილების დამუხტვა სრულიად უფასოდ შეუძლიათ.

(R)

სალომე უბირია

ავტორი: ,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს