მრგვალი ბაღის მიმდებარედ მომხდარი დაპირისპირების საქმეზე 7 პირი დააკავეს

2026-11-11 20:19:02, 246 ნახვა

სამართალი

თბილისში, მრგვალი ბაღის მიმდებარედ ახალგაზრდებს შორის მომხდარი დაპირისპირების საქმეზე პოლიციამ 7 პირი დააკავა. შემთხვევის შედეგად ერთი ახალგაზრდა დაიჭრა.

შინაგან საქმეთა სამინისტროს ინფორმაციით, დაკავებულებს ჯგუფურად ჩადენილ ხულიგნობას ედავებიან.

გამოძიების ცნობით, შემთხვევა 10 ნოემბერს მოხდა. ახალგაზრდებს შორის დაწყებული კონფლიქტი სიტყვიერ და ფიზიკურ დაპირისპირებაში გადაიზარდა, რა დროსაც ერთ-ერთმა პირმა დაპირისპირების მონაწილეს ბლაგვი საგნის გამოყენებით სხეულის სხვადასხვა არეში სამი ჭრილობა მიაყენა.

დაშავებულს შესაბამისი სამედიცინო დახმარება ჩაუტარდა. უწყების ცნობით, მის სიცოცხლესა და ჯანმრთელობას საფრთხე არ ემუქრება.

სამართალდამცველებმა მთელი ღამის განმავლობაში ჩაატარეს ოპერატიულ-სამძებრო ღონისძიებები და საგამოძიებო მოქმედებები, რის შედეგადაც შვიდი პირი ცხელ კვალზე დააკავეს.

ფაქტზე გამოძიება საქართველოს სისხლის სამართლის კოდექსის 239-ე მუხლის მე-2 ნაწილით მიმდინარეობს, რაც 2-დან 5 წლამდე ვადით თავისუფლების აღკვეთას ითვალისწინებს.

საქმეზე საგამოძიებო მოქმედებები გრძელდება.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან