2017-12-05 16:04:40, 2113 ნახვა

---

ევროკავშირის წარმომადგენლობა: მოვუწოდებთ უკრაინის ხელისუფლებას, სააკაშვილის ძირითადი უფლებების დარღვევა არ მოხდეს

უკრაინაში ევროკავშირის წარმომადგენლობა საქართველოს მესამე პრეზიდენტის მიხეილ სააკაშვილის დაკავებას გამოეხმაურა, - ამის შესახებ Korrespondent.net იუწყება.

როგორც უკრაინაში ევროკავშირის წარმომადგენლობის მიერ გავრცელებულ განცხადებაშია ნათქვამი, ისინი მომხდარს თვალყურს ადევნებენ. ამასთან, მათ იმედი გამოთქვეს, რომ მიხეილ სააკაშვილთან მიმართებაში გამოძიება უკრაინის კანონმდებლობის ფარგლებში ჩატარდება.

„ჩვენ საქმის კურსში ვართ იმასთან დაკავშირებით თუ რა ხდება ახლა ბატონ მიხეილ სააკაშვილთან მიმართებაში. ჩვენ ასევე, ყურადღებით ვაკვირდებით ამ შემთხვევას და იმედი გვაქვს, რომ გამოძიება დროულად ჩატარდება კანონის სრული მოთხოვნების შესაბამისად. ასევე მოვუწოდებთ უკრაინის ხელისუფლებას, ბატონი მიხეილ სააკაშვილის ძირითადი უფლებების დარღვევა არ მოხდეს“, - აღნიშნულია ევროკავშირის წარმომადგენლობის განცხადებაში.

---

ავტორი: ,

---

დღის თემა

მთავარი თემა

ინტერვიუ - ექსკლუზივი