სამხრეთ კორეის ეროვნული დაზვერვის სამსახურის მიხედვით, დასტურდება, რომ ხელოვნური ინტელექტის სხვა Chatbot აპლიკაციებისგან განსხვავებით, DeepSeek-ს აქვს ფუნქცია, მიმოწერის ტექსტით დაადგინოს პირის იდენტობა და გადასცეს მისი მონაცემები ჩინურ კომპანიებს. 

შესაბამისად, ეროვნული დაზვერვის სამსახურმა წერილი გაუგზავნა სხვადასხვა სამთავრობო სააგენტოებს, შესაბამისი უსაფრთხოების ზომები მიიღონ აპლიკაციის გამოყენებასთან დაკავშირებით. 

თუმცა, სამხრეთ კორეის ზოგიერთმა სამინისტრომ, ისევე, როგორც ავსტრალიასა და ტაივანში, უკვე აკრძალა აპლიკაციის სამთავრობო მოწყობილობებზე გამოყენება. 

იტალია ერთ-ერთი პირველი ქვეყანა იყო, რომელმაც ჩინური აპლიკაციის გამოყენება შეზღუდა. მიზეზად პერსონალური მონაცემების დაცვა სახელდება.

გადაწყვეტილების შედეგად იტალიაში, ორივე Apple-სა და Google-ის ციფრულ მაღაზიებში DeepSeek-ის აპლიკაცია გაქრა. მანამდე, იტალიის მონაცემთა დაცვის სამსახურმა, Garante-მ კომპანიას მოთხოვა მონაცემების დაცვასთან დაკავშირებით ინფორმაციის მიწოდება.

კონკრეტულად, ორგანიზაციას აინტერესებ და როგორ და რა წყაროებით ხდება ხდება პერსონალური მონაცემების შეგროვება, რა მიზანს ემსახურება ეს და ინახება თუ არა შეგროვებული ინფორმაცია ჩინეთში.

Garante-ს მიხედვით, DeepSeek-ის მიერ მიწოდებული ინფორმაცია არასაკმარისია, რის გამოც აპლიკაციის მუშაობა იტალიაში დაუყონებლივ შეწყდა და დაიწყო გამოძიება.

ავტორი: ექსპრესნიუსი,

სოციალური ქსელები

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს

აშშ-მ და დანიამ გრენლანდიასთან დაკავშირებით შეთანხმებას მიაღწიეს

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს