2016-02-19 13:47:19, 444 ნახვა

---

ბერძენიშვილი თოფაძეზე: მისი შეურაცხყოფა ძალიან გამიჭირდება, რადგან რაც უნდა ვთქვა, იმაზე ნაკლები იქნება, რაც ეკუთვნის

გოგი თოფაძის მიერ გუშინ გაკეთებულ განცხადებას „რესპუბლიკელები“ პასუხობენ. პარტიის ერთ-ერთი ლიდერი ლევან ბერძენიშვილი ამბობს, რომ გოგი თოფაძის მომავალს ვერც პოლიტიკაში და ვერც ბიზნესში ვერ ხედავს. ბერძენიშვილის თქმით, თოფაძემ ყველა ზღვარს გადააჭარბა.

„მე მას არ ვაკადრებ იმას რაც ეკუთვნის. მისი შეურაცხყოფა ძალიან გამიჭირდება, რადგან რაც უნდა ვთქვა, იმაზე ნაკლები იქნება, რაც ეკუთვნის. ამ შემთხვევაში, მე მისი ბედი არ მაღელვებს, რადგან მე ვერ ვხედავ მას პოლიტიკაში საერთოდ. მე პირადად, ლევან ბერძენიშვილი, გოგი თოფაძეს საერთოდ ვერ ვხედავ ვერც პოლიტიკაში და ვერც ბიზნესში, რადგან მან დაარღვია ადამიანობის ყველა წესი," - განაცხადა ლევან ბერძენიშვილმა.

გოგი თოფაძემ ლევან ბერძენიშვილი მურვან ყრუს შეადარა და აღნიშნა, რომ რესპუბლიკელები კოალიციას დიდ ზიანს აყენებენ. ეს განცხადება თოფაძემ გუშინ ტელეკომპანია „იბერიას“ ეთერში გააკეთა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი