„მე არავითარი ულტიმატუმი არ დამიყენებია უმრავლესობისთვის, რომ დავტოვებდი მანდატს თუ ამ ჩემს მიერ დაყენებული რეფერენდუმის შეთავაზებას არ მიიღებდნენ“, - ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძემ განაცხადა.

მისი თქმით, ის ქვეყანაში მიმდინარე პოლიტიკურ პროცესებს ორი კვირის განმავლობაში დააკვირდება და გადაწყვეტილებას შემდეგ მიიღებს.

„ჩემი გადაწყვეტილება, რაც გავახმოვანე ძალაში რჩება ანუ მე მიმაჩნია, რომ დაპირისპირებისა და პოლარიზაციის პოლიტიკაში ჩემი ადგილი არ არის. დღეს ჩვენმა გუნდმა არ გაიზიარა რაც მე მიმაჩნდა, რომ იქნებოდა პოლიტიკური პროცესის ნორმალურ პროცესში გადაყვანისთვის ძალიან მნიშვნელოვანი ანუ შევკითხოდით ხალხს 2020 წლის არჩევნების პროპორციული სისტემით ჩატარებაზე. სამწუხაროა, რომ ეს ნაბიჯი რეალურად არ გადაიდგმება. რაც შეეხება მომავლს, ვხედავ რომ გარკვეული რესურსები არის დარჩენილი პოლიტიკური პროცესის ნომრალურ კალაპოტში გადატანის, რაც უახლოეს დღეებში გამოჩნდება.

ჩემი შეთავაზება არ გაიზიარა უმრავლესობამ, მაგრამ რაც შეეხება დანარჩენს, პოლიტიკური პროცესები უნდა განიხილოს მაგიდასთან და არა ქუჩაში დაპირისპირების მიმართულებით. რამდენიმე დღეში გამოჩნდება საით წავა, იქნება შემდგომი პლურალიზაცია თუ შემდგომი დაპირისპირება და ამის მიხედვით საბოლოო გადაწყვეტილებას მივიღებ. პროცესების ასე გაგრძელება ამ ქვეყნისთვის ძალიან ცუდია. აუცილებელია მოლაპარაკების მაგიდასთან დასხდომა. თუ გაიზიარებენ პლებისციტის მოთხოვნას, მაშინ გავალ ხალხში და დავარწმუნებ, რომ აუცილებლად პროპორციულ არჩევნებს მისცენ ხმა. მე მინდოდა შეჯიბრება თუ რატომ იყო ამ სიტუაციაში კარგი პროპორციული არჩევნები ან მაჟორიტარული არჩევნები. ორივე მხარე წარმოადგენდა თავის არგუმენტებს და ხალხი მიიღებდა გადაწყვეტილებას. მე არავითარი ულტიმატუმი არ დამიყენებია უმრავლესობისთვის, რომ დავტოვებდი მანდატს თუ ამ გადაწყვეყვეტილებას არ მიიღებდნენ“, - განაცხადა ზოიძემ.

შეგახსენებთ, რომ აკაკი ზოიძემ „ქართული ოცნების“ პოლიტსაბჭოს  2020 წელს პროპორციულ საარჩევნო სისტემაზე გადასვლასთან დაკავშირებით მიმართა და რეფერენდუმის ჩატარება შესთავაზა, თუმცა მისი შეთავაზება მმართველმა გუნდმა არ დააკმაყოფილა. 

ავტორი: ექსპრესნიუსი,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა