„ქართული მარში“ საპარლამენტო უმრავლესობის მიერ პროპორციული საარჩევნო სისტემის კანონპროექტის ჩაგდებას აპროტესტებს და კვირას, 17 ნოემბერს „პატრიოტთა ალიანსის“ მიერ დაგეგმილ აქციას უერთდება - ამის შესახებ განცხადება „ქართული მარშის“ ლიდერმა  სანდრო ბრეგაძემ გააკეთა.

მისი თქმით, ახლა პირველობისთვის ბრძოლის დრო არ არის, რადგან სამშობლოა გადასარჩენი.

„პარლამენტში წარმოდგენილი ძალებიდან მხოლოდ „პატრიოტთა ალიანსმა“ დაიკავა ეროვნული პატრიოტული პოზიცია და მხოლოდ მათი ქმედება პასუხობს ქართველი ერის ინტერესებს. „ქართული მარშის“ ყველა წევრს, ჩვენს მრავალრიცხოვან მხარდამჭერებს მოვუწოდებთ, რომ შეუერთდნენ „პატრიოტთა ალიანსის“ მიერ დაგეგმილ აქციას. პირველობისთვის ბრძოლის დრო არ არის, სამშობლოა გადასარჩენი, რაც მხოლოდ ეროვნული ქართული ძალების ერთიანობით მიიღწევა“, - განაცხადა სანდრო ბრეგაძემ.

შეგახსენებთ, „პატრიოტთა ალიანსი“ კვირას, 17 ნოემბერს, საპროტესტო აქციას რესპუბლიკის მოედანზე გამართავს. პარტიის ერთ-ერთი ლიდერის, ირმა ინაშვილის თქმით, საპროტესტო აქციებს უწყვეტი სახე ექნება. მათი მთავარი მოთხოვნა კი ხელისუფლებიდან „ქართული ოცნების“ წასვლა იქნება.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი