საპარლამენტო უმრავლესობის ლიდერის გია ვოლსკის განცხადებით, არჩევნების ე.წ. გერმანული მოდელი, რომელზეც ოპოზიცია საუბრობს, საქართველოს კონსტიტუციას არ შეესაბამება.

ამის შესახებ ვოლსკიმ ჟურნალისტებს „ქართული ოცნების“ ოფისში გამართული შეხვედრის შემდეგ განუცხადა.

„ვისაუბრეთ შემოთავაზებაზეც, თუმცა აქ გრძელი საუბარი არ ყოფილა, იმიტომ რომ ყველამ იცის, ე.წ. გერმანული მოდელი არ შეესაბამება იმ კონსტიტუციას, რომელიც დღეს გაგვაჩნია და საკონსტიტუციო ცვლილებებთან დაკავშირებით ვერ ჩაჯდება იმ გრაფიკში. ამაზე ჩვენი კოსნტიტუციონალისტები უფრო დეტალურად აგიხსნიან“, - განაცხადა გია ვოლსკიმ.

შეგახსენებთ, ოპოზიციამ თავდაპირველად გარდამავალი მთავრობის მიერ პროპორციული საარჩევნო სისტემით ვადამდელი არჩევნების ტარება მოითხოვა. გუშინ გამართული კონსულტაციების შემდეგ კი, ოპოზიციის ლიდერებმა განაცხადეს, რომ არჩევნები ე.წ. გერმანული მოდელით უნდა ჩატარდეს, რომელიც მათი მტკიცებით, არსებული ვითარების გამოსასწორებლად ყველაზე მოკლე გზაა.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი