ქართულ-გერმანულმა კომპანიამ „ბეთბი“ ჩუღურეთის რაიონში 251 000 ევროს ინვესტიცია განახორციელა.

გერმანელი პარტნიორების მიერ რეაბილიტირებული შ. გამცემლიძის ქუჩა ჩუღურეთის რაიონის გამგებელმა ზურაბ ჩიკვილაძემ თბილისის მერის მოადგილე ილია ელოშვილთან, კომპანია „ბეთბის“ დამფუძნებლებთან, საქართველოში ევროკავშირის მისიისა და გერმანიის საელჩოს წარმომადგენლებთან ერთად გახსნა.

„ძალიან სასიხარულოა, მსგავსი უცხოური ინვესტიცია ქართულ რეალობაში. ჩვენ აქტიურად ვთანამშრომლობთ გერმანელ პარტნიორებთან და ყოველთვის მზად ვართ მხარდაჭერისთვის“, - განაცხადა ზურაბ ჩიკვილაძემ.

კომპანია „ბეთბის“ ინიციატივით, შ. გამცემლიძის ქუჩაზე წლების განმავლობაში მოუწესრიგებელი კომუნალური ინფრასტრუქტურა კაპიტალურად შეკეთდა, მოეწყო წყალარინების 270 გრძივი მეტრის ახალი ქსელი 15 საკომუნიკაციო ჭითა და მეზობელი ეზოების დაერთებით.

სამუშაოები 2017 წლის შემოდგომაზე დაიწყო. პროექტის განხორციელებით, ევროპული ხარისხითა და DIN-სტანდარტის გათვალისწინებით, შ. გამცემლიძის ქუჩაზე სანიაღვრე და წყალარინების სისტემის პრობლემა საბოლოოდ აღმოიფხვრა.

საკანალიზაციო ინფრასტრუქტურის მოწესრიგების შემდეგ, თბილისის მერიის ინფრასტრუქტურის განვითარების სამსახურმა გამცემლიძის ქუჩაზე ასფალტის საფარი დააგო.

(NS)

ავტორი: ,

სოციალური ქსელები

ივანიშვილის წარმომადგენელი მდინარაძე ქართველ ხალხს ცენზურის უფრო გამკაცრებას და აღსრულებას პირდება

მდინარაძე ქვეყანაში ცენზურის სამსახურის ამოქმედებას კრიტიკულ მედიას და ოპოზიციას აბრალებს

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა