გომბორის უღელტეხილზე ავტოსაგზაო შემთხვევის შედეგად დაშავებულებს ჯანდაცვის მინისტრი მოინახულებს

2018-06-09 14:23:31, 1035 ნახვა

საზოგადოება

გომბორის უღელტეხილზე მომხდარი ავტოსაგზაო შემთხვევის შედეგად დაშავებულებს ჯანდაცვის მინისტრი მოინახულებს.

ჯანდაცვის სამინისტროს ინფორმაციით, დავით სერგეენკო პირველ მოადგილესთან, ზაზა ბოხუასთან და საგანგებო სიტუაციების კოორდინაციისა და გადაუდებელი დახმარების ცენტრის დირექტორთან, ავთანდილ თალაკვაძესთან ერთად თელავის რეფერალურ ჰოსპიტალში ამ წუთებში მიდის.

ამ დროისთვის, კლინიკაში 21 პაციენტია მოთავსებული, ამათგან - 12 ბავშვი.

ავტოსაგზაო შემთხვევა დღეს დილით, გომბორის უღელტეხილზე მოხდა. შემთხვევის შედეგად დაიღუპა - 4 მოქალაქე, მათ შორის - 1 ბავშვი. ადგილზე სასწრაფო სამედიცინო დახმარების 10 ეკიპაჟი მუშაობდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები