საქართველოს პრემიერ-მინისტრი გიორგი კვირიკაშვილი  მადლობას უხდის მაშველებს, რომლებმაც მთაწმინდაზე გაჩენილი ხანძრის დროს, სამუშაო ურთულეს რელიეფზე შეასრულეს.

„შეუძლებელი შეძლეს და სულ რამდენიმე  საათში მოხდა ცეცხლის ლოკალიზება და ჩაქრობა. ავიცილეთ თავიდან ცეცხლის გავრცელება  საცხოვრებელ მასივებზე, რაც ვფიქრობ, რომ გამორჩეული გმირობის  შედეგია. მინდა, კიდევ ერთხელ, ბატონო გიორგი, დიდი მადლობა გადაგიხადოთ თქვენ და მაშველებს იმიტომ, რომ ამ ადამიანების გმირობა არავისთვის დარჩა შეუმჩნეველი“,-განაცხადა გიორგი კვირიკაშვილმა.

პრემიერმა შს მინისტრთან და მაშველებთან ერთად, მადლობა გადაუხადა მოქალაქეებსაც, რომლებიც საკუთარი შესაძლებლობის ფარგლებში ხანძარს ებრძოდნენ:

„მინდა, დიდი მადლობა გადავუხადო იმ მოქალაქეებს, რომლებმაც მართლაც ძალიან დიდი სამოქალაქო გმირობა გამოიჩინეს და მაშველებთან ერთად ებრძოდნენ სტიქიას. ჩვენ გვახასიათებს ასეთ მომენტში ასეთი კონსოლიდაცია და ეს გამორჩეული თვისებაა, რომელიც ჩვენმა ახალგაზრდებმა გამოავლინეს“,-აღნიშნა გიორგი კვირიკაშვილმა.

შეგახსენებთ, რომ 8 აგვისტოს მთაწმინდის ფერდობზე ხანძარი იყო. ხანძრის შედეგად 2 ჰექტარამდე ტყის მასივი დაიწვა. მომხდარზე გამოძიება სისხლის სამართლის კოდექსის 188-ე მუხლის მეორე ნაწილით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა