ფრაქცია "ქართული ოცნების" თავმჯდომარის, მამუკა მდინარაძის განცხადებით, მმართველ გუნდში პრეზიდენტის არჩევის წესი, განხილვის საგანი კიდევ ერთხელ იქნება.

როგორც მდინარაძემ ჟურნალისტებს განუცხადა, თუ კომპრომისს აზრი ეკარგება, მაშინ შესაძლებელია არაპირდაპირი გზით არჩევის სისტემაზე გადასვლა. თუმცა, მისივე ინფორმაციით, აღნიშნულ საკითხთან დაკავშირებით, გუნდში კვლავ აზრთა სხვადასხვაობაა. 

"შემიძლია დაგიდასტუროთ, რომ უმრავლესობის შეხვედრაზე ბევრი აზრი იყო დაფიქსირებული, იმასთან დაკავშრებით, რომ პრეზიდენტი 2018 წელს არაპირდაპირი წესით უნდა იქნას არჩეული. კონკრეტულ პირებზე საუბარს აზრი არ აქვს, რადგან ეს აზრი სხვადასხვა ადამიანებმა დააფიქსირეს. ამის არგუმენტი იყო ის, რომ როცა კომპრომისს აზრი ეკარგება, მაშინ შესაძლებელია იმ სისტემაზე პირდაპირ გადავიდეთ, რაც კლასიკური გაგებით, საპარლამენტო მოდელისთვის სწორია. უმრავლესობაში საკითხი განხილვის საგანი კიდევ ერთხელ იქნება", - აღნიშნა მდინარაძემ. 

დეპუტატის განმარტებით, პრეზიდენტის არაპირდაპირი წესით ამოქმედების საკითხი მოქმედ პრეზიდენტ გიორგი მარგველაშვილს არ ეხება.

"დამერწმუნეთ, რომ არც ერთი პერსონა არ არის სუბიექტი რაიმე ცვლილების. ცვლილების მიზანი დემოკრატია, განვითარება და პროგრესია. ეს საკითხი ისე უნდა გადავწყვიტოთ, როგორც ქვეყანას და დემოკრატიას გამოადგება", - აღნიშნა მდინარაძემ. 

ცნობისთვის, კონსტიტუციური პროექტის მიხედვით, პრეზიდენტის არჩევა არაპირდაპირი წესით მოხდება და მას 300 ხმოსანი აირჩევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება