წულუკიანი იმედოვნებს, რომ სტრასბურგის მოსამართლეობის კანდიდატთა სია ფილტრაციის პროცედურას წარმატებით გაივლის

2017-06-01 16:05:24, 2766 ნახვა

პოლიტიკა კომენტარი

საქართველოს იუსტიციის მინისტრი თეა წულუკიანი იმედოვნებს, საქართველოდან წარდგენილი სტრასბურგის მოსამართლეობის კანდიდატთა სია ამჯერად არ ჩავარდება.

მისივე თქმით, სამპირიანი გენდერულად დაბალანსებული სია ევროპის საბჭოს საპარლამენტო ასამბლეას მომდევნო დღეებში წარედგინება:

„სამპირიანი გენდერულად დაბალანსებული სია იქნება მომდევნო დღეებში წარდგენილი ვეროსაბჭოს წინაშე. როგორც იცით, ევროსაბჭოში არის მინიმუმ სამ ეტაპიანი კონტროლის და ფილტრაციის პროცედურა, რომელიც ამ სიამ უნდა გაიროს და მე იმედი მაქვს, ამჯერად ეს წარმატებით დაგვირგვინდება“,-განაცხადა წულუკიანმა.

საქართველოს მთავრობა ევროპის საბჭოს საპარლამენტო ასამბლეას 2017 წელს ადამიანის უფლებათა ევროპულ სასამართლოში ასარჩევად ლადო ჭანტურიას, სოფო ჯაფარიძის და შოთა გეწაძის კანდიდატურებს წარუდგენს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან