18:18 - 16 Nov, 2026
ჩვენ შესახებ რეკლამა/ხელმოწერა
2026-11-16 17:58:36, 217 ნახვა

სამართალი
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო

პოლიტიკოსი ლაშა ნაცვლიშვილი 2500 ლარით დააჯარიმეს ფეისბუკში რუისისა და ურბნისის მიტროპოლიტის, მეუფე იობის გინების გამო.

ადმინისტრაციული სამართალდარღვევის საქმე დღეს, 16 ნოემბერს, მოსამართლე მანუჩარ ცაცუამ თბილისის საქალაქო სასამართლოში განიხილა. სხდომა 41-ე დარბაზში ჩატარდა.

"ქართული ოცნების" მხარდამჭერსა და წლების განმავლობაში ამ პარტიის პიარკონსულტანტს შსს-ს სიძულვილის ენის წინააღმდეგ ბრძოლის დეპარტამენტმა უჩივლა.

ლაშა ნაცვლიშვილი სასამართლოს არ დასწრებია. არ ჰყოლია არც ადვოკატი.

“თანახმაა მისი დასწრების გარეშე გაიმართოს სხდომა”, - მოახსენა სხდომის მდივანმა სასამართლოს. შსს ინფორმირებული არ იყო.

მოსამართლე მანუჩარ ცაცუამ 5-წუთიანი შესვენება გამოაცხადა და სხდომის მდივანს ნაცვლიშვილთან კიდევ ერთხელ დარეკვა დაავალა.

შემდეგ მანდატურს სთხოვა, ეკითხა სასამართლოს ფოიეში, ნაცვლიშვილი იქ ხომ არ იყო. მანდატურს არავინ გამოჰპასუხებია. სხდომა განახლდა.

“პოსტზე მონიშნეს შინაგან საქმეთა სამინისტრო და მოჰყვა მყისიერი რეაქცია… დამატებით მოვიძიეთ ინფორმაცია, რამხელა გამოხმაურება მოჰყვა ამ კომენტარს, წარმოგიდგინეთ პოსტები და მასალები, რაც ადასტურებს საზოგადოებრივი წესრიგის დარღვევის მასშტაბებს… ვერ ჩავთვლით ამ კონკრეტულს მცირე მნიშვნელობის სამართალდარღვევად. თუმცა ლაშა ნაცვლიშვილი არც ნასამართლევია და არც სახდელდადებული, ამიტომ ვფიქრობ, რომ ჯარიმა უზრუნველყოფს მიზნებს”, - თქვა შსს-ს იურიდიული დეპარტამენტის სასამართლოებთან ურთიერთობის სამმართველოს უფროსმა მარიამ კერესელიძემ სასამართლოს სხდომაზე.





ავტორი: ცოტნე ტალახაძე, ექსპრესნიუსის რეპორტიორი 2019 წლიდან


სოციალური ქსელები
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics