აშშ-ის პრეზიდენტის სპეციალურმა წარმომადგენელმა სტივ ვიტკოფმა განაცხადა, რომ ომის დასრულების მიზნით მოლაპარაკებების ჯგუფების შემდეგი შეხვედრა უკვე დაგეგმილია.

„ევროპული პრავდას“ ცნობით, მან ეს განცხადება დუბლინში პრეზიდენტ ვოლოდიმირ ზელენსკისთან და დონალდ ტრამპის სიძესთან, ჯარედ კუშნერთან ერთად გამართულ ბრიფინგზე გააკეთა.

მან აბუ დაბიში გამართულ შეხვედრას „კარგი და პოზიტიური“ უწოდა. მან დასძინა, რომ გარკვეული დადებითი შედეგები იქნა მიღწეული.

„ჩვენ კიდევ ერთი შეხვედრა გვაქვს დაგეგმილი და ყველაფერს გავაკეთებთ ჩვენი მიზნის მისაღწევად“, - თქვა ვიტკოფმა.

თავის მხრივ, ზელენსკიმ განაცხადა, რომ ამერიკულმა მხარემ ევროპელების მოლაპარაკებების პროცესში ჩართვა მოახერხა.

„შემდეგ ჯერზე ევროპა მოლაპარაკებებში არა მხოლოდ მონაწილედ იქნება წარმოდგენილი, არამედ ცალკე ხმა ექნება. ეს ჩვენთვის მნიშვნელოვანია, რადგან ომი ევროპაში მიმდინარეობს“, - დასძინა მან.

მედიის ცნობით, შეერთებულმა შტატებმა რუსეთს სთხოვა წარადგინოს ახალი წინადადება ევროპასთან მომავალი უსაფრთხოების შეთანხმების შესახებ, რომელიც მოიცავს რუსეთის მხრიდან ურთიერთობებში დაძაბულობის შემცირებისკენ მიმართულ ნაბიჯებს.

რუსეთის საგარეო საქმეთა სამინისტრომ ახალი ევროპული უსაფრთხოების არქიტექტურის იდეები წამოაყენა, რომლის ფარგლებშიც ნატოს წევრ სახელმწიფოებთან თავდაუსხმელობის შესახებ შეთანხმებების დადება შესთავაზა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ვიტკოფი: გუნდების შემდეგი შეხვედრა უკვე დაგეგმილია, ევროპელები დაესწრებიან

კუშნერი: რუსეთთან შემდეგ მოლაპარაკებებში ევროპის ქვეყნები იქნებიან წარმოდგენილი

მსურს კუბასთან საქმეების მოგვარება - ტრამპმა სამხედრო ძალის გამოყენება დაუშვა

ტრამპმა სენატს მოუწოდა, დაუყოვნებლივ დაამტკიცოს პენტაგონისთვის დამატებით 350 მილიარდი დოლარის გამოყოფა