„ქართული ოცნების“ უახლესი გამონაგონი - თითქოს ეუთო/ოდირმა ეს არჩევნები ლეგიტიმურად ცნო - ვერ დაფარავს სიმართლეს: ამომრჩეველთა დაშინებას, ძალადობას და სისტემურ მანიპულაციას,- ამის შესახებ ევროპარლამენტარი რიჰარდს კოლსი სოციალურ ქსელში წერს.

კოლსი 26 ოქტომბრის საპარლამენტო არჩევნებზე ეუთო/ოდირის მიერ გამოქვეყნებული საბოლოო ანგარიშის შესახებ პარლამენტის თავმჯდომარე შალვა პაპუაშვილის განცხადებას ეხმაურება და ამბობს, რომ „ტყუილები იზრდება, ვიდრე თავის შემქმნელებს მთლიანად არ გადაყლაპავს“.

„ტყუილები იზრდება, ვიდრე თავის შემქმნელებს მთლიანად არ გადაყლაპავს. „ქართული ოცნების“ უახლესი გამონაგონი - თითქოს ეუთო/ოდირმა ეს არჩევნები ლეგიტიმურად ცნო - ვერ დაფარავს სიმართლეს: ამომრჩეველთა დაშინებას, ძალადობას და სისტემურ მანიპულაციას.

ეს არ არის დემოკრატია; ეს არის კონსტიტუციური გადატრიალება. საერთაშორისო საზოგადოებამ უნდა განაგრძოს ქართველი ხალხის მხარდაჭერა და მოითხოვოს ახალი არჩევნები საქართველოს თავისუფლებისა და სამართლიანობის გზაზე დასაბრუნებლად. ხალხის ერთადერთი ლეგიტიმურ ხმად რჩება პრეზიდენტი ზურაბიშვილი.

ძველი საბჭოთა ჩვევები ძნელად კვდება, მაგრამ სიმართლე იმარჯვებს. ყოველთვის“,- წერს კოლსი X-ზე. 

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო