ძალიან ნათლად ავუხსენი გენერალურ მდივანს და მის დელეგაციას, რომ მათი არც მანდატი, არც მოვალეობა, არც უფლება არ არის, რომ რაღაც კომისია დანიშნონ ჯერ არავისგან აღიარებულ ხელისუფლებასთან, მით უმეტეს იმისთვის, რომ განიხილონ „რუსული კანონი“,- ამის შესახებ საქართველოს პრეზიდენტმა, სალომე ზურაბიშვილმა ევროსაბჭოს გენერალურ მდივან ალენ ბერსესთან შეხვედრის შემდეგ გამართულ პრესკონფერენციაზე განაცხადა.

როგორც ზურაბიშვილმა აღნიშნა, ამით ხელისუფლებამ, „შეიძლება, ვიღაც მოხიბლოს, მაგრამ ქართველ ხალხს ვერ მოხიბლავს“.

„ახლახან შევხვდი ევროსაბჭოს გენერალურ მდივანს და მის დელეგაციას, რომლებიც ცოტა გაუგებრობაში არიან, მე მგონი. კარგად არ ესმით აქაური სიტუაცია და მე ავუხსენი ის, რომ არ შეიძლება, ამ ქვეყანაში მოსვლა, როცა შენ წარმოადგენ ყველაზე ძველ ევროპულ ორგანიზაციას და იმ ორგანიზაციას, რომელიც უშუალოდ პასუხისმგებელია ერთ რამეზე და მხოლოდ ერთ რამეზე, რომ დაიცვას დემოკრატიული პრინციპები, დაიცვას ადამიანის უფლებები, დაიცვას ადამიანის თავისუფლება. ამ ორგანიზაციას აქვს ერთი პასუხისმგებლობა და მოვალეობა, რომ ხმა ამოიღოს, როცა მის წევრ რომელიმე ქვეყანაში ხდება ის, რაც ხდება საქართველოში ანუ ძალადობა ხალხის მიმართ, მისი ყველა უფლებების შეზღუდვა და ამის გაპროტესტება. ამის დაგმობა არის, ალბათ, პირველი მოვალეობა ასეთი ორგანიზაციის.

სამაგიეროდ, მე ეს ძალიან ნათლად ავუხსენი გენერალურ მდივანს და მის დელეგაციას, რომ მათი არც მანდატი, არც მოვალეობა, არც უფლება არ არის, რომ რაღაც კომისია დანიშნონ ჯერ არავისგან აღიარებულ ხელისუფლებასთან, მით უმეტეს იმისთვის, განიხილონ „რუსული კანონი“. რა „რუსული კანონი“?! ვის რაში აინტერესებს „რუსული კანონის“ შეცვლა თუ არშეცვლა. ეს არის ყველაზე კარგი მაგალითი, თუ როგორ იტყუება ეს ხელისუფლება. ხან უკან მიაქვს, ხან წინ და ხან ისევ უკან, ახლა რაღაცას ფორმალურად შევცლითო. ამით ჰგონიათ, რომ ვიღაცას მოხიბლავენ. შეიძლება, ვიღაც მოხიბლონ, მაგრამ ვერ მოხიბლავენ ვერც ქართველ ხალხს, ვერც პარტნიორებს, რომლებსაც ძალიან კარგად ესმით დღევანდელი საქართველოს მდგომარეობა. შეიძლება, ვიღაცას ნაკლებად ესმის და აქ ჩამოსვლის მერე უფრო გაერკვევა იმ ტყუილებში, რომელიც დღეს ხელისუფლებას ახასიათებს. ტყუილებში და პროვოკაციებში, იმიტომ, რომ პროვოკაციებია ის, რაც მოვისმინეთ დღეს“,- განაცხადა სალომე ზურაბიშვილმა.

შეგახსენებთ, დღე, 20 დეკემბერს ევროსაბჭოს გენერალურმა მდივანმა, ალენ ბერსემ პრესკონფერენციაზე განაცხადა, რომ მთავრობამ გასცა დაპირება, რომ „უცხოური გავლენის გამჭვირვალობის შესახებ“ კანონის შინაარსს შეცვლიდა.

ბერსეს თქმით, შეიქმნება სამუშაო ჯგუფი საქართველოს და ევროპის საბჭოს წარმომადგენლების მხრიდან, რომელშიც ასევე, ჩართული იქნება ვენეციის კომისია და „მოხდება იმ ცვლილებების, იდენტიფიცირება, რომლებიც უნდა განხორციელდეს კანონმდებლობაში“.

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო