თბილისში, გლდანის მე-8 პენიტენციურ დაწესებულებასთან ამ წუთებში საპროტესტო აქცია იმართება.

ადგილზე სამოქალაქო აქტივისტები, პოლიტიკური პარტიების წარმომადგენლები და საპროტესტო აქციებზე დაკავებული ადამიანების ოჯახის წევრები არიან შეკრებილი.

მათი მთავარი მოთხოვნა სასპროტესტო აქციებზე დაკავებული ადამიანების გათავისუფლებაა.

„ქვეყნის სიყვარულის გამო არ უნდა ისჯებოდეს ადამიანი. იმისთვის, რომ შენი ქვეყანა გიყვარდეს, პატრიოტი იყო, არ უნდა ისჯებოდე. არ ვარ შეშინებული, თუნდაც მეც დამიჭირონ, არ მეშინია. ზვიოს მე ვამხნევებ და მე ზვიო მამხნევებს. თავისუფლება რეჟიმის პატიმრებს“,- უთხრა დაკავებული ზვიად ცეცხლაძის დედამ „მთავარ არხს“.

შეგახსენებთ, დედაქალაქი და საქართველოს სხვა ქალაქები პროტესტმა მას შემდეგ მოიცვა, რაც საზოგადოებისთვის „ქართული ოცნების“ 28 ნოემბრის გადაწყვეტილება გახდა ცნობილი. აღნიშნული გადაწყვეტილების თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. 

ავტორი: ექსპრესნიუსი,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა