ტელეკომპანია პირველის ჟურნალისტი მაკა ჩიხლაძე თავდასხმის დეტალებს იხსენებს. მას და მის ოპერატორს, გიორგი შეწირულს თავს შავფორმიანები პირდაპირ ეთერში დაესხნენ:

ტელეკომპანია პირველის ჟურნალისტს, მაკა ჩიხლაძესა და ოპერატორს, გიორგი შეწირულს დაზიანებები აქვთ. ამასთან ერთად, ვიდეოში ჩანს, რომ წაქცეულ გიორგი შეწირულს ტიტუშკების ჯგუფი ფეხებს ურტყამს.

"მიკროფონი წაიღეს, კამერა წაიღეს, ორივეს გვირტყეს, გვეძახდნენ, რას აშუქებთ თქვე ბო*ებო? პატრული აქ იდგა, ამ ადგილას და აქ მოხდა შემთხვევა. რეაგირება არ მოახერხეს, უბრალოდ წავიდნენ. დაგვესხნენ თავს, გვირტყეს, მაროდიორები არიან შავი ნიღბებით." - ამბობს ჩიხლაძე.

"ათი კაცი მირტყამდა თავში ფეხს, არ დამინდეს, ყველაფერი წამართვეს, მერე ვიღაცამ უთხრა კარგი ეყო აღარ დაარტყაო და გაიქცნენ" - ამბობს "ტვ პირველის" ოპერატორი გიორგი შეწირული  

"ჩვენი ინფორმაციით, ფიზიკურად უსწორდებოდნენ აქციის მონაწილეებს ბესიკის ქუჩის კუთხეში და მოვედით გადასაღებად. 30-ზე მეტი შავებში ჩაცმული ადამიანი იყო ნიღბებით, რომლებიც ურტყამდნენ ბიჭებს, ვკითხე ვინ ხართ, რატომ მოხვედით აქ და გამოეყო რამდენიმე ადამიანი ამ ჯგუფს დაგვესხნენ თავს მე და ჩემს ოპერატორს, წაართვეს  კამერა, ტექნიკური მოწყობილობა, ჩემი მიკროფონი წაიღეს, დამაგდეს ძირს, მირტყეს წიხლები, მერე რომელიღაცას გაუნათდა გონება, რომ გოგოა თავი დაანებეთ, მაგრამ არა - ეგენი რას აშუქებენ ხო იცითო? უკვე იცოდნენ ვინ ვიყავით. საპატრულო პოლიცია იდგა ჩემთან ორ მეტრში და რომ გამოვედი პატრული აღარ იყო" ამბობს მაკა ჩიხლაძე. 

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა