2024-11-29 04:31:05, 442 ნახვა
პოლიტიკა
ზურაბიშვილი - მე ვდგავარ ქართული მედიის გვერდით, რომელთა მიმართ არაპროპორციულ ძალას იყენებენ
საქართველოს პრეზიდენტი სალომე ზურაბიშვილი რუსთაველის გამზირზე მიმდინარე აქციის დროს, ჟურნალისტებისთვის საქმიანობაში ხელის შეშლას ეხმაურება.
როგორც ზურაბიშვილი სოციალურ ქსელ X-ზე წერს, “ქართული მედიის მიმართ არაპროპორციულ ძალას იყენებენ“.
„მე ვდგავარ ქართული მედიის გვერდით, რომელთა მიმართაც არაპროპორციულ ძალას იყენებენ და თავს ესხმიან თავიანთი საქმიანობის შესრულებისას - უწყვეტ რეჟიმში გაშუქებისას“,- წერს ზურაბიშვილი.
შეგახსენებთ, საპროტესტო აქციაზე „TV პირველის“ ოპერატორი ნიკო კოკაია და ჟურნალისტი ანა მდივანი, „მთავარი არხის“ ჟურნალისტი დეა მამისეიშვილი და ოპერატორი გიორგი გოგინაშვილი, ასევე, „პუბლიკის“ ჟურნალისტი ალექსანდრე ქეშელაშვილი პროფესიული საქმიანობის შესრულებისას დაშავდნენ.
ავტორი: ექსპრესნიუსი,
epn.ge (@expressnews.ge)
