რუსეთის პრეზიდენტმა ვლადიმერ პუტინმა თქვა, რომ ის გაკვირვებულიც კი იყო იმ სიმამაცით, რომლითაც საქართველოს ხელისუფლება იცავდა თავის პოზიციას ბოლო კანონპროექტებთან დაკავშირებით.

ამის შესახებ მან ყაზახეთში სახელმწიფო ვიზიტისა და CSTO-ს სამიტის შემდეგ ჟურნალისტებისთვის გამართულ პრესკონფერენციაზე განაცხადა.

„საქართველოში მოვლენები რომ დაიწყო, მე, გულწრფელად რომ ვთქვათ, გაკვირვებით შევხედე ამ ყველაფერს და დავაკვირდი. რუსეთს არანაირი ურთიერთობა არ აქვს საქართველოს ხელმძღვანელობასთან. მაგრამ მე უბრალოდ გაოგნებული ვიყავი მათი გამბედაობით და ხასიათით, რომელიც მათ აჩვენეს თავიანთი თვალსაზრისის დასაცავად“, - თქვა პუტინმა.

რუსეთის რეჟიმის მეთაურმა ასევე ხაზგასმით აღნიშნა, რომ რუსეთი დასავლეთისგან განსხვავებით არ ერევა საქართველოს შიდა პოლიტიკურ საქმეებში.

„ოფიციალურ დონეზე, რუსეთი არ ერევა შიდა პოლიტიკურ პროცესებში. ჩვენ იქ საერთოდ არ დავდივართ... მაგრამ იგივეს ვერ ვიტყვი ჩვენს დასავლელ „კოლეგებზე“, როგორც ამბობენ“, - აღნიშნა პუტინმა.

ავტორი: ექსპრესნიუსი,

სოციალური ქსელები

ბოკუჩავა: პრეზიდენტ სააკაშვილის პოსტი უცნაურია, მსგავსმა იმპულსურმა გადაწყვეტილებებმა მიგვიყვანა იქამდე, სადაც ვართ

ევროპარლამენტმა საქართველოზე კრიტიკული ანგარიში მიიღო

საქართველოში დიდი ბრიტანეთის ელჩი საგარეო უწყებაში დაიბარეს

სააკაშვილი: ჩემი თავმჯდომარეობის კანდიდატი არის ნანუკა ჟორჟოლიანი