ევროპარლამენტი საქართველოში ახალი არჩევნების ჩატარების მოწოდებით გამოდის, მათ დასკვნებს ვეთანხმები,- ამის შესახებ უკრაინის რადას წევრი ალექსეი გონჩარენკო სოციალურ ქსელ X-ზე წერს.

გონჩარენკოს განცხადებით, „საქართველოში მომხდარი არეულობა“ საკუთარი თვალით ნახა.

„ევროპარლამენტი საქართველოში ახალი არჩევნების ჩატარების მოწოდებით გამოდის. რეზოლუციაში ნათქვამია, რომ არჩევნები თავისუფალი და სამართლიანი არ ყოფილა. ევროპარლამენტის დასკვნებს ვეთანხმები. საქართველოში ევროპის საბჭოს საპარლამენტო ასამბლეის (PACE) სტატუსით ვიყავი და ეს არეულობა ჩემი თვალით ვნახე“, - წერს გონჩარენკო.

შეგახსენებთ, დღეს, 28 ნოემბერს ევროპარლამენტმა საქართველოს შესახებ რეზოლუცია მიიღო. დოკუმენტის თანახმად, საქართველოს საპარლამენტო არჩევნები ხელახლა უნდა ჩატარდეს საერთაშორისო ზედამხედველობის ქვეშ; პარლამენტი ითხოვს ევროკავშირის სანქციების დაწესებას საქართველოს პრემიერ-მინისტრისა და მაღალი დონის ოფიციალური პირების წინააღმდეგ; რეზოლუციაში აღნიშნულია, რომ საქართველოს ხელისუფლების მიერ გატარებული პოლიტიკა შეუთავსებელია ქვეყნის ევროატლანტიკური ინტეგრაციის პერსპექტივასთან.

ავტორი: ექსპრესნიუსი,

სოციალური ქსელები

ბოკუჩავა: პრეზიდენტ სააკაშვილის პოსტი უცნაურია, მსგავსმა იმპულსურმა გადაწყვეტილებებმა მიგვიყვანა იქამდე, სადაც ვართ

ევროპარლამენტმა საქართველოზე კრიტიკული ანგარიში მიიღო

საქართველოში დიდი ბრიტანეთის ელჩი საგარეო უწყებაში დაიბარეს

სააკაშვილი: ჩემი თავმჯდომარეობის კანდიდატი არის ნანუკა ჟორჟოლიანი