2024-11-20 16:52:38, 385 ნახვა
პოლიტიკა
საკონსტიტუციო სასამართლომ პრეზიდენტის სარჩელი დაარეგისტრირა
დღეს, 20 ნოემბერს საკონსტიტუციო სასამართლომ 26 ოქტომბრის საპარლამენტო არჩევნებთან დაკავშირებით პრეზიდენტ სალომე ზურაბიშვილის სარჩელი დაარეგისტრირა. ამის შესახებ ინფორმაცია საკონსტიტუციო სასამართლოს ოფიციალურ ვებგვერდზე გამოქვეყნდა.
სარჩელი, რომლითაც სალომე ზურაბიშვილი არჩევნების საბოლოო შედეგების არაკონსტიტუციურად ცნობას ითხოვს, პრეზიდენტის წარმომადგენელმა, ეკა ბესელიამ სასამართლოში გუშინ, 19 ნოემბერს შეიტანა.
„არჩევნების საყოველთაობისა და ფარულობის პრინციპების დარღვევიდან გამომდინარე, საქართველოს პრეზიდენტი მოითხოვს არჩევნების მომწესრიგებელი სადავო ნორმებისა და მათ საფუძველზე ჩატარებული არჩევნების საბოლოო შედეგების არაკონსტიტუციურად ცნობას“,- აღნიშნული იყო პრეზიდენტის ადმინისტრაციის მიერ გუშინ გავრცელებულ ოფიციალურ ინფორმაციაში.
ავტორი: ექსპრესნიუსი,
epn.ge (@expressnews.ge)
