2024-06-27 17:12:03, 534 ნახვა
პოლიტიკა
რუტე - ვიმედოვნებთ, რომ საქართველო ევროკავშირის გზას დაუბრუნდება
ჩვენ ველოდებით და ვიმედოვნებთ, რომ საქართველო დაუბრუნდება ევროკავშირის გზას,- ამის შესახებ ნიდერლანდების პრემიერ-მინისტრმა, მარკ რუტემ განაცხადა.
როგორც რუტემ ევროკავშირის სამიტის დაწყებამდე აღნიშნა, ყველაფერი საქართველოს მთავრობაზეა დამოკიდებული.
"შესაძლოა, საქართველოს საკითხი დღეს მოკლედ განვიხილოთ, მაგრამ მე ვღელავ საქართველოს ევროკავშირში გაწევრიანების გზასთან დაკავშირებით ბოლოდროინდელი გადაწყვეტილებების გამო. მე ვესაუბრე პრეზიდენტს, ვფიქრობ, რომ ის შთამბეჭდავი ლიდერია, მაგრამ სამწუხაროდ, მისი ვეტო პარლამენტმა დაძლია. რა თქმა უნდა, ჩვენ ველოდებით და ვიმედოვნებთ, რომ საქართველო დაუბრუნდება ევროკავშირის გზას. ახლა ჩვენ ველოდებით, რას იზამს საქართველოს მთავრობა, ყველაფერი ახლა თქვენზეა დამოკიდებული",- აცხადებს რუტე.
ავტორი: ექსპრესნიუსი,
epn.ge (@expressnews.ge)
