2023-10-17 14:32:08, 734 ნახვა
მსოფლიო
ვიქტორ ორბანი პეკინში ვლადიმერ პუტინს შეხვდა
რუსეთის პრეზიდენტი ვლადიმირ პუტინი და უნგრეთის პრემიერ-მინისტრი ვიქტორ ორბანი პეკინში ერთმანეთს შეხვდნენ. აღნიშნულის შესახებ ინფორმაციას რუსული პროპაგანდისტული მედია ТАСС-ი ავრცელებს.
პუტინის თქმით, უნგრეთი ის ქვეყანაა, რომელთანაც კონტაქტებს ინარჩუნებენ.
"მიუხედავად იმისა, რომ დღევანდელ გეოპოლიტიკურ პირობებში კონტაქტების შენარჩუნებისა და ურთიერთობების განვითარების შესაძლებლობები ძალზე შეზღუდულია, არ შეიძლება, არ გამოიწვიოს კმაყოფილება, რომ ჩვენი ურთიერთობა ევროპის მრავალ ქვეყანასთან შენარჩუნებულია და განვითარებულია, ერთ-ერთი ასეთი ქვეყანაა უნგრეთი“, - განაცხადა პუტინმა.
ცნობისთვის, უნგრეთის პრემიერ-მინისტრი ვიქტორ ორბანი ჩინეთში „სარტყელისა და გზის ფორუმში“ მონაწილეობს.
ავტორი: ექსპრესნიუსი,
epn.ge (@expressnews.ge)
