2022-11-01 15:05:48, 1496 ნახვა
საზოგადოება
გლდანში, ჯავახეთის ქუჩასა და მიმდებარე ჩიხებში საგზაო სამუშაოები დასრულდა
გლდანის გამგეობა, რაიონის მასშტაბით, ინფრასტრუქტურის მოწესრიგებას განაგრძობს. ამჯერად, ჯავახეთის ქუჩისა და მიმდებარე ჩიხების რეაბილიტაცია დასრულდა. აღნიშნულ ინფორმაციას თბილისის მერია ავრცელებს.
მერიის ცნობით, სამუშაოების შედეგად, 1 111 გრძივ მეტრზე სანიაღვრე ქსელი, ხოლო 5 385 კვადრატულ მეტრამდე ფართობზე ასფალტის საფარი მოეწყო. ასევე, 1 280 კვადრატულ მეტრ ფართობზე ბეტონის გზა დაიგო. ამ დრომდე, აღნიშნულ ტერიტორიაზე ასფალტის საფარი არ არსებობდა.
შესრულებული სამუშაოებისთვის გლდანის რაიონის გამგეობის ბიუჯეტიდან 677 917 ლარი დაიხარჯა.
ავტორი: NS (სტატია დაფინანსებულია),
epn.ge (@expressnews.ge)
