|
2022-10-27 14:45:48, 953 ნახვა
საზოგადოება
ჩეხეთის ელჩი საქართველოში და ჩეხეთის პარლამენტის სენატის დელეგაციის წევრები რუხის რესპუბლიკურ საავადმყოფოს ესტუმრნენ
ჩეხეთის რესპუბლიკის ელჩი საქართველოში და ჩეხეთის პარლამენტის სენატის დელეგაციის წევრები რუხის რესპუბლიკურ საავადმყოფოს ესტუმრნენ. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ გავრცელებული ინფორმაციით, სენატორებმა, ელჩმა და ჩეხეთის განვითარების სააგენტოს ხელმძღვანელმა ის სამედიცინო აღჭურვილობა დაათვალიერეს, რომელიც კლინიკას ჩეხეთის მთავრობის სახელით გადაეცა. „რუხის საავადმყოფოს სამედიცინო შესაძლებლობების გაუმჯობესების საქმეში ჩეხეთის რესპუბლიკის მთავრობას დიდი წვლილი მიუძღვის. კლინიკის თანამედროვე ტექნოლოგიებით აღჭურვისა და ინტენსიური თერაპიის განყოფილების გაძლიერების მიზნით რუხის საავადმყოფოს ძვირადღირებული სამედიცინო ტექნიკა გადაეცა. ჩეხეთის მთავრობის მიერ დაფინანსებული პროგრამების ფარგლებში ასევე მოქმედებს სხვადასხვა პროექტი, რომელიც ა(ა)იპ საქართველოს სამედიცინო ჰოლდინგთან მის მართვაში არსებული კლინიკების თანამშრომლების გადამზადებას ითვალისწინებს. რუხის კლინიკასა და ბათუმის რესპუბლიკურ საავადმყოფოს ჩეხეთის მთავრობა ონკოგინეკოლოგიური სერვისების გამართვაშიც ეხმარება. რუხის რესპუბლიკურ საავადმყოფოში ჩეხეთის პარლამენტის სენატის ჯანდაცვის კომიტეტის წევრები და ჩეხეთის ელჩი საქართველოში პეტრ მიკისკა იმყოფებოდნენ. სტუმრებს კლინიკაში ზუგდიდის მერი მამუკა წოწერია, ა(ა)იპ საქართველოს სამედიცინო ჰოლდინგის ხარისხის მართვის სამსახურის უფროსი გვანცა გასვიანი, აკად. ნ. ყიფშიძის სახელობის ცენტრალური საუნივერსიტეტო კლინიკის დირექტორის მოვალეობის შემსრულებელი ვლადიმერ პაპავა და რუხის საავადმყოფოს მმართველი დავით შონია შეხვდნენ“, - ნათქვამია გავრცელებულ ინფორმაციაში.
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



