|
2022-10-21 17:36:56, 939 ნახვა
საზოგადოება
ზურაბ აზარაშვილი საქართველოში WHO-ს ხელმძღვანელ სილვიუ დომენტეს შეხვდა
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, საქართველოში ჯანმრთელობის მსოფლიო ორგანიზაციის (WHO) ხელმძღვანელ სოლვიუ დომენტეს შეხვდა. ჯანდაცვის სამინისტროს ცნობით, მხარეებმა სამედიცინო დაწესებულებებისთვის დიაგნოზთან შეჭიდული ჯგუფებით (DRG) ანაზღაურების მოდელი, მის დანერგვამდე, კიდევ ერთხელ განიხილეს. შეხვედრას ასევე ესწრებოდა ჯანმრთელობის მსოფლიო ორგანიზაციის ექსპერტი კრისტინა კაჰური, რომელიც აქტიურად იყო ჩართული DRG სისტემის შემუშავების პროცესში. ზურაბ აზარაშვილის განცხადებით, მნიშვნელოვანია, DRG მეთოდის ეფექტურად ამუშავება და ის წვლილი, რაც სისტემის დანერგვაში, ჯანმრთელობის მსოფლიო ორგანიზაციის ექსპერტებმა და წარმომადგენლებმა შეიტანეს. სილვიუ დომენტემ და კრისტინა კაჰურმა ხაზი გაუსვეს ჯანდაცვის სექტორში დაწყებული რეფორმების, მათ შორის DRG სისტემის მნიშვნელობას და აღნიშნეს, რომ მზად არიან, სამუშაო პროცესში, ანაზღაურების ახალი სისტემის დანერგვის ნებისმიერ ეტაპზე ჩაერთონ. შეხვედრას ასევე ესწრებოდნენ: ჯანმრთელობის ეროვნული სააგენტოს დირექტორი თენგიზ გენძეხაძე, სამინისტროს პოლიტიკის დეპარტამენტის ხელმძღვანელი ეკა ადამია, ანალიტიკის დეპარტამენტის უფროსი ნიკოლოზ კობახიძე და ჯანმრთელობის მსოფლიო ორგანიზაციის ექსპერტი გიორგი გოცაძე. ანაზღაურების DRG მეთოდი საქართველოში პირველი ნოემბრიდან ამოქმედდება. დიაგნოზთან შეჭიდული ჯგუფებით ანაზღაურების მეთოდი ფართოდ აპრობირებულია მსოფლიოს განვითარებულ ქვეყნებში, რომლითაც ავტომატურად გამოითვლება ის სამართლიანი ფასი, რასაც სამინისტრო, მოქალაქეების ხარისხიანი მკურნალობისთვის გადაიხდის. ახალი სისტემის დანერგვის შემდეგ, პაციენტს დამატებითი ხარჯების გაწევა აღარ მოუწევს და მხოლოდ იმ თანხას გადაიხდის, რასაც საყოველთაო ჯანდაცვის პროგრამის ფარგლებში, თანაგადახდის წილი ითვალისწინებს.
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



