|
2022-10-21 16:38:30, 1028 ნახვა
საზოგადოება
რკინიგზების ხელმძღვანელებმა თბილისში შუა დერეფნის საერთო კრება გახსნეს
დღეს თბილისში ტრანსკასპიური საერთაშორისო სატრანსპორტო მარშრუტის (შუა დერეფანი) საერთო კრება საქართველოს ვიცე პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა გახსნა. შუა დერეფანი, რომელიც ინტერმოდალური და მულტიმოდალური გადაზიდვების გაძლიერებას 2013 წლიდან უწყობს ხელს, აქტიურად მუშაობს დერეფანში სატვირთო გადაზიდვების გაზრდაზე. ყოველწლიურ საერთო კრებაზე შუა დერეფნის მონაწილე სარკინიგზო ადმინისტრაციების წარმომადგენლები, საზღვაო და საპორტო გადამზიდავები ტრანსკასპიური საერთაშორისო სატრანსპორტო მარშრუტის გამტარუნარიანობის გაზრდაზე, ახალი ტვირთების მოზიდვაზე, გამჭოლ ტარიფებსა და სერვისების გაუმჯობესებაზე მუშაობენ. ტრანსკასპიური საერთაშორისო სატრანსპორტო მარშრუტის საერთო კრება საქართველოში უკვე მეორედ იმართება. სამუშაო ვიზიტით თბილისში ყაზახეთის, აზერბაიჯანისა და თურქეთის რკინიგზების ხელმძღვანელი პირები ჩამოვიდნენ. საერთო კრებაზე სიტყვით საქართველოს რკინიგზის გენერალური დირექტორი, გამოვიდა. დავით ფერაძემ შუა დერეფნის როლზე ისაუბრა თუ რამდენად მნიშვნელოვანია იგი კომპანიის განვითარებისათვის. ,,აღსანიშნავია, რომ ასეთი მასშტაბის შეხვედრა საქართველოს რკინიგზის იუბილეს დაემთხვა. საერთო კრებაზე შუა დერეფნის კონკურენტუნარიანობასა და სამომავლო გეგმებზე ვისაუბრეთ. არსებული გეოპოლიტიკური მდგომარეობიდან გამომდინარე, მარშრუტზე მოთხოვნა საკმაოდ დიდია. ჩვენი მიზანია დერეფანში რაც შეიძლება მეტი ტვირთი გავატაროთ და საქართველოს რკინიგზის სატვირთო გადაზიდვების მაჩვენებლები გავზარდოთ. " - განაცხადა დავით ფერაძემ.
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



