|
2022-10-21 14:08:56, 1212 ნახვა
საზოგადოება
საქართველო, ჯანმრთელობის მსოფლიო ორგანიზაციის პირველადი ჯანდაცვის სადემონსტრაციო პლატფორმას, სპეციალური მიწვევით ესწრება
სტოკჰოლმში, ჯანმრთელობის მსოფლიო ორგანიზაციის (WHO) პირველადი ჯანდაცვის სადემონსტრაციო პლატფორმა გაიხსნა. ამის შესახებ ინფორმაციას ჯანდაცვის სამინისტრო ავრცელებს. მათივე ცნობით, საქართველო პირველი ქვეყანაა, რომელიც აღნიშნული ფორმატით გამართულ ღონისძიებებში მონაწილეობს. „ხუთდღიან შეხვედრებს, ქართული დელეგაცია, ჯანმრთელობის მსოფლიო ორგანიზაციის ევროპის რეგიონული დირექტორის ჰანს კლუგეს მიწვევით ესწრება. მისი განცხადებით, საქართველო გამოირჩევა უნივერსალური ჯანდაცვისა და სოფლად, პირველადი ჯანდაცვის სერვისის ხელმისაწვდომობის გაუმჯობესებისთვის გატარებული რეფორმებით, რისთვისაც საქართველოს ჯანდაცვის მინისტრ ზურაბ აზარაშვილსა და სტოკჰოლმში მყოფ საქართველოს დელეგაციის წევრებს მადლობა გადაუხადა. ქართველი დელეგატები სამხრეთ ლაპლანდიაშიც იმყოფებოდნენ, სადაც სხვადასხვა სამედიცინო დაწესებულებები დაათვალიერეს და დეტალური ინფორმაცია მიიღეს, როგორ მუშაობს ციფრული საშუალებები პირველად ჯანდაცვაში, გადაუდებელი დახმარების, რენტგენის, სისხლის ანალიზების, გინეკოლოგიური პროცედურებისა და მცირე ოპერაციების კუთხით. როგორც ქართული დელეგაციის ხელმძღვანელმა და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე თამარ გაბუნიამ აღნიშნა, ჯანმრთელობის მსოფლიო ორგანიზაციის სადემონსტრაციო პლატფორმაში მონაწილეობა და შეხვედრებზე მიღებული გამოცდილება, საქართველოს შესაძლებლობას მისცემს, მეტად ხელმისაწვდომი გახადოს სოფლად პირველადი ჯანდაცვის სერვისები. სადემონსტრაციო პლატფორმის ოფიციალურ გახსნას, თამარ გაბუნიასთან ერთდ, ესწრებოდნენ: სახელმწიფო სამედიცინო ჰოლდინგის ხარისხის მართვის სამსახურის უფროსი გვანცა გასვიანი და ჰოლდინგის სხვა წევრები, სოფლის ექიმები. ასევე - ჯანმრთელობის მსოფლიო ორგანიზაციის საქართველოს ოფისისა და ინფორმაციული ტექნოლოგიების სააგენტოს წარმომადგენლები“,- აღნიშნულია ინფორმაციაში.
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



