|
2022-10-21 11:13:53, 1269 ნახვა
საზოგადოება
თავდაცვის სამინისტროსა და გაერთიანებული სამეფოს ორმხრივი თანამშრომლობის ფარგლებში კონფერენცია ჩატარდა
სახელმწიფო შიდა ფინანსური კონტროლის რეფორმის ჭრილში სამინისტროების მასშტაბით პირველად, საქართველოს თავდაცვის სამინისტროში რისკის მართვის სისტემის დანერგვა მიმდინარეობს. აღნიშნული ფინანსური მართვისა და კონტროლის ერთ-ერთი მნიშვნელოვანი კომპონენტია. სწორედ ამ მიმართულებით, თავდაცვის სამინისტროს გამოცდილებისა და საერთაშორისო კარგი პრაქტიკის გაზიარების მიზნით „რედისონ ბლუ ივერიაში“ ერთდღიანი საერთაშორისო კონფერენცია - „რისკი ჰიბრიდულ ეპოქაში“ გაიმართა. კონფერენცია საქართველოს თავდაცვის სამინისტროსა და გაერთიანებული სამეფოს ორმხრივი თანამშრომლობის ფარგლებში, გაერთიანებული სამეფოს ფინანსური მხარდაჭერით ჩატარდა. კონფერენცია თავდაცვის მინისტრის პირველმა მოადგილემ ლელა ჩიქოვანმა გახსნა და სიტყვით გამოსვლისას საქართველოს თავდაცვის სისტემაში რისკის მართვის სისტემის დანერგვის მნიშვნელობაზე ისაუბრა. კონფერენციის მონაწილეებს მიესალმა ასევე, გაერთიანებული სამეფოს საგანგებო და სრულუფლებიანი ელჩი საქართველოში მარკ კლეიტონი. კონფერენციაზე მონაწილეებმა თანამედროვე, ჰიბრიდულ ეპოქაში არსებული გამოწვევები და მასთან დაკავშირებული რისკები განიხილეს, ასევე ისაუბრეს რისკის მართვის მნიშვნელობაზე, სტრატეგიული კომუნიკაციების, კიბერუსაფრთხოებისა და კორუფციულ რისკებზე. კონფერენციის მსვლელობისას განხილული იყო საკითხები საქართველოს საჯარო სექტორში რისკის მართვის მიმართულებით არსებულ პროგრესზეც. საქართველოს თავდაცვის სამინისტროსა და ეროვნული ბანკის წარმომადგენლებმა თავიანთ გამოსვლებში მათ უწყებებში რისკის მართვის სისტემის დანერგვის პროცესში მიღებულ გამოცდილებასა და მიღწეულ შედეგებზე გაამახვილეს ყურადღება.
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



