|
2022-10-17 13:57:18, 1332 ნახვა
საზოგადოება
ბურჭულაძე - ძვირფასო ვეტერანებო, თქვენი გამოცდილებით სჭირდებით საქართველოს, ჩვენს ხვალინდელ დღეს
„ვეტერანების სახით საქართველოს ჰყავს ღირსების ეტალონები, გამორჩეული მოქალაქეები, რომლებმაც საკუთარი სიცოცხლისა და ჯანმრთელობის ფასად ჩვენი ქვეყნის ტერიტორიული მთლიანობის, პრინციპებისა და ღირებულებების დასაცავად იბრძოლეს“, - აღნიშნულის შესახებ საქართველოს თავდაცვის მინისტრმა ვეტერანების დღისადმი მიძღვნილ ღონისძიებაზე სიტვით გამოსვლისას განაცხადა. ჯუანშერ ბურჭულაძემ საქართველოს ვეტერანებს მათი დღე მიულოცა და ქვეყნის წინაშე მებრძოლების ღვაწლი განსაკუთრებით აღნიშნა. „დღევანდელი დღე დიდი მნიშვნელობის მატარებელია მთელი ქვეყნისთვის, ვინაიდან აღვნიშნავთ ათასობით ადამიანის ღვაწლს, გმირობასა და თავდადებას. ქედს ვიხრი თქვენი თანამებრძოლების წინაშე, რომლებიც მამაცურად დაეცნენ ბრძოლის ველზე ჩვენი ქვეყნის სუვერენიტეტისა და ტერიტორიული მთლიანობისთვის. თქვენ ერთად დაანახეთ საქართველოს მოქალაქეებსა და საერთაშორისო პარტნიორებს, რომ ქართული მებრძოლი სული არასოდეს შედრკება მტრის წინაშე, მისი საშუალებებისა, თუ რიცხოვნობის მიუხედავად. ძვირფასო ვეტერანებო, თქვენი გამოცდილებით სჭირდებით საქართველოს, ჩვენს ხვალინდელ დღეს“, - განაცხადა მან. ჯუანშერ ბურჭულაძემ სიტყვით გამოსვლისას მადლობა გადაუხადა პრემიერ-მინისტრ ირაკლი ღარიბაშვილს თავდაცვის უწყების სისტემური, თუ ინდივიდუალური დახმარებისთვის. ვეტერანების დღისადმი მიძღვნილ ღონისძიებაზე ჯუანშერ ბურჭულაძემ ვეტერანების დაჯილდოებაშიც მიიღო მონაწილეობა.
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



