|
2022-10-14 14:32:00, 1331 ნახვა
საზოგადოება
ჯანდაცვის მინისტრი ვაკის პარკის ტრაგედიაზე - ამაზე პასუხისმგებლობას მეც ვგრძნობ
ძალიან ცუდი ფაქტია და პასუხისმგებლობას ამაზე მეც ვგრძნობ, - ასე ეხმაურება ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, ზურაბ აზარაშვილი ვაკის პარკში მომხდარ ტრაგედიას. აზარაშვილმა, რომელმაც "ნიუ ჰოსპიტალსში" ერთ-ერთი დაშავებული მოზარდი მოინახულა, ჟურნალისტებს განუცხადა, რომ მისი მდგომარეობა მნიშვნელოვნად გაუმჯობესებულია. "ლაზარეს მდგომარეობა მნიშვნელოვნად გაუმჯობესებულია გუშინდელის შემდეგ. ძალიან დიდი იმედებით გამოვედი კლინიკიდან. დიდხანს ვისაუბრეთ ექიმთან, ასევე ოჯახის წევრებსაც ვესაუბრე. ვფიქრობ, რომ ძალიან მალე ის დატოვებს კლინიკას. ჩვენი მხრიდან რაც არის საჭირო, რეაბილიტაციის პროცესში იქნება თუ მკურნალობის პროცესში, ყველაფრისთვის მზად ვართ", - განაცხადა აზარაშვილმა. მინისტრის თქმით, ვაკის პარკში დაშავებული მესამე მოზარდი, რომელიც იაშვილის სახელობის კლინიკაშია მოთავსებული, სამედიცინო დაწესებულებას რამდენიმე წუთში დატოვებს. "რაც შეეხება მესამე ბავშვს - ანდრიას, ის რამდენიმე წუთის, ერთი საათის განმავლობაში, შეიძლება გაეწეროს იაშვილის კლინიკიდან. ის თავს კარგად გრძნობს", - ამბობს აზარაშვილი. ჟურნალისტების შეკითხვაზე, მომხდართან დაკავშირებით, უნდა აიღოს თუ არა დედაქალაქის მერმა, კახა კალაძემ პოლიტიკური პასუხისმგებლობა, ჯანდაცვის მინისტრმა თქვა: "ფაქტი ძალიან სამწუხაროა, ძალიან ცუდი ფაქტია და პასუხისმგებლობას ამაზე მეც ვგრძნობ. ასეთი ფაქტი არ უნდა მომხდარიყო".
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



