|
2022-10-12 15:09:49, 726 ნახვა
საზოგადოება
დიაბეტის მქონე ბავშვებისთვის დიაბეტის პროგრამის გეოგრაფიული ხელმისაწვდომობა გაიზარდა
დიაბეტის მართვის სახელმწიფო პროგრამის გეოგრაფიული ხელმისაწვდომობა გაფართოვდა - დიაბეტის მქონე ბავშვები პროგრამით სარგებლობას უკვე გურჯაანსა და მარნეულშიც შეძლებენ. აღნიშნულ ინფორმაციას ჯანდაცვის სამინისტრო ავრცელებს. უწყების ცნობით, რეგიონებში, სახელმწიფო პროგრამის ვაუჩერულ მომსახურებაზე ხელმისაწვდომობის გაზრდის მიზნით, ბავშვთა ენდოკრინოლოგების მიერ კონსულტაცია ჰიბრიდულ რეჟიმში მოხდება - კერძოდ: დადგენილი პერიოდულობით (თვეში არანაკლებ ერთხელ) სამედიცინო დაწესებულებაში, ენდოკრინოლოგის მიერ ბენეფიციარების ადგილზე მომსახურება მოხდება, ხოლო კონსულტაციების ნაწილი განხორციელდება დისტანციურად. ბავშვთა ენდოკრინოლოგები ძირითადად დასაქმებულნი არიან დიდ ქალაქებში, რის გამოც რეგიონებში მცხოვრებ ბენეფიციარებს ექიმთან კონსულტაციისთვის საქალაქთაშორისო გადაადგილება უწევთ. სერვისის ჰიბრიდულ რეჟიმში მიწოდება კი შესაძლებლობას აძლევს პაციენტს სიცოცხლისთვის აუცილებელი მომსახურება, ადგილზევე, თავის რეგიონში მიიღოს. ჯანდაცვის სამინისტრო აგრძელებს აქტიურ მუშაობას დიაბეტის მართვის სახელმწიფო პროგრამის გეოგრაფიული ხელმისაწვდომობის კიდევ უფრო გაფართოებისთვის. დიაბეტის მართვის სახელმწიფო პროგრამის ვაუჩერული სერვისი ითვალისწინებს შაქრიანი დიაბეტით დაავადებული ბავშვებისთვის შემდეგი მომსახურების მიწოდებას: • საანალიზო-ტექნიკური საშუალებებით უზრუნველყოფა: • გლუკომეტრი; • სისხლში გლუკოზის საანალიზო ტესტ-ჩხირები და სისხლის ასაღები ლანცეტის ნემსები; • შარდში კეტოსხეულების განმსაზღვრელი ტესტ-ჩხირები; • ენდოკრინოლოგის კონსულტაცია/მეთვალყურეობა; • გლიკოჰემოგლობინის განსაზღვრა კაპილარული სისხლით; • დიაბეტით გამოწვეული თვალის დაავადებების მონიტორინგი; • პროგრამის მოსარგებლეების და მათი მშობლების სამედიცინო განათლება; • ფიზიკური რეაბილიტაციის უზრუნველყოფა, პაციენტის სურვილის შემთხვევაში; • სამედიცინო ცნობის და რეცეპტის გაცემა. დიაბეტის პროგრამის ვაუჩერული სერვისით სარგებლობა შესაძლებელია შემდეგ სამედიცინო დაწესებულებებში: თბილისი: "ენმედიცი"-თბილისი წინანდლის ქ.N9 შპს. "დიაბეტიან ბავშვთა ცენტრი"-თბილისი. პ.ქავთარაძის I შესახვევი N2 შპს. "დიაკორი"-თბილისი, ლუბლიანას ქ.N5 შპს ჯეო ჰოსპიტალს - თბილისის მრავალპროფილური სამედიცინო ცენტრი -წინანდლის N9-3 ქუთაისი: დასავლეთ საქართველოს სამედიცინო ცენტრი - ჯავახიშვილის N 83ა ქუთაისის #1 პირველადი ჯანდაცვის ცენტრი - ტ.ტაბიძის 23 ბათუმი: ბათუმის მ.იაშვილის სახელობის დედათა და ბავშვთა ცენტრალური ჰოსპიტალი (აეროპორტის გზატკეცილი 64) შპს ქ.ბათუმის №1 პოლიკლინიკა - ტბ. აბუსერიძის ქ. №2 გურჯაანი: შპს ჯეო ჰოსპიტალს - გურჯაანის მრავალპროფილური სამედიცინო ცენტრი - მარჯანიშვილის ქ. N35 მარნეული: შპს ჯეო ჰოსპიტალს - მარნეულის სამშობიარო და ამბულატორიული სამედიცინო ცენტრი - რუსთაველის ქ. N112
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



