|
2022-10-07 12:08:37, 1379 ნახვა
საზოგადოება
„კონფლიქტი დაიწყო დამტენზე, დახვდა 25 ბიჭი და სცემეს“ - ბათუმში მოსწავლეები ერთმანეთს დაუპირისპირდნენ
ბათუმის ერთ-ერთ საჯარო სკოლაში ერთმანეთს მე-12 კლასის მოსწავლეები დაუპირისპირდნენ - დაშავდა ერთი მოზარდი. დაშავებული მოზარდის მშობლის ინფორმაციით, მისმა შვილმა ტვინის შერყევა, ყბის მოტეხილობა და სახეზე მრავლობითი დაზიანება მიიღო. „ჩხუბი დაიწყო კლასში, გაკვეთილზე. შემდეგ გაგრძელდა საცხობთან, სკვერში. გადაიყვანეს ბავშვი, გაიყვანეს გარეთ, დახვდა 25 ბიჭი და გალახეს. 10 წამით ბავშვი გათიშული იყო, გონება ჰქონდა დაკარგული, ყურადღება არავის არ მიუქცევია. გათიშული იყო - ტვინის შერყევით, ყბა მოტეხილი, ცხვირი ჩამტვრეული აქვს. კონფლიქტი დაიწყო ჩემი შვილის დამტენზე - დამტენი მომიტანეო, უნდოდა, ქურდული ბიჭივით ეთქვა მე თქვენ მომიტანეთ დამტენიო. რატომ უნდა მოგიტანო, მოდი და აიღეო. ჩემი შვილი ჩამოვიდა დაბლა და რომ ავიდა, მის დამტენზე იყო იმ ბავშვის ტელეფონი შეერთებული. რატომ გათიშე და ვის ჰკითხე, დაუკითხავად დამტენი, რომ აიღეო, დედაზე მიაყენა შეურაცხყოფა, დედა შეაგინა",- განაცხადა დაზარალებულის დედამ. მისივე ინფორმაციით, დაპირისპირებას ინგლისურის მასწავლებელი შეესწრო, რომელმაც მის შვილს ტელეფონი გამოართვა მშობლამდე "ინფორმაცია რომ არ მოსულიყო". თუმცა მასწავლებლის თქმით, მოსწავლეებისთვის ტელეფონები არ ჩამოურთმევია, ჩხუბი "წამიერად" მოხდა, მოზარდებს შენიშვნა მისცა და დამრიგებელი გააფრთხილა, რომ მოსწავლემ "უწმაწური სიტყვა" გამოიყენა. მომხდარზე შინაგან საქმეთა სამინისტროში გამოიკითხნენ დაპირისპირებაში მონაწილე მოსწავლეები და მათი მშობლები. უწყებამ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



