|
2022-10-06 16:02:36, 1147 ნახვა
საზოგადოება
თბილისის მერის მოადგილე გაერო-ს ევროპის ეკონომიკური კომისიის მიერ ორგანიზებულ სესიას დაესწრო
გაერო-ს ევროპის ეკონომიკური კომისიის ორგანიზებით, ქალაქ სან-მარინოში ურბანული განვითარების, განსახლებისა და მიწის განკარგვის კომიტეტის 83-ე სესია იმართება, რომელსაც თბილისის მერის მოადგილე ანდრია ბასილაია დაესწრო. აღნიშნულ ინფორმაციას დედაქალაქის მერია ავრცელებს. მერიის ცნობით, ღონისძიების მონაწილეებს ანდრია ბასილაიამ სიტყვით მიმართა და კომიტეტის წევრებს „თბილისის, როგორც ჭკვიანი მდგრადი ქალაქის პროფილის“ დოკუმენტის შემუშავებისთვის მადლობა გადაუხადა. დედაქალაქის მერის მოადგილემ ავარიული სახლების ჩანაცვლების პროგრამაზე ისაუბრა. ასევე, ყურადღება გაამახვილა თბილისში მიმდინარე სატრანსპორტო რეფორმასა და მწვანე სივრცეების რეაბილიტაციაზე. „ტრანსპორტის რეფორმის განხორციელება საკმაოდ მტკივნეული გადაწყვეტილების მიღებით დაიწყო, თუმცა, მონაცემთა ანალიზი გვიჩვენებს, რომ მიუხედავად რთული, მაგრამ ამავდროულად პრინციპული გადაწყვეტილებებისა, რეფორმა სწორი მიმართულებით მიდის და იგი უნდა განხორციელდეს, რათა თბილისმა მდგრადი ურბანული გარემო მიიღოს. საზოგადოებრივი ტრანსპორტით უფრო და უფრო მეტი ადამიანი სარგებლობს, რაც ადასტურებს, რომ სატრანსპორტო ინფრასტრუქტურის განვითარების მიმართულებით, სწორ გზაზე ვდგავართ. რაც შეეხება საბჭოთა კავშირის დროინდელი საცხოვრებელი ნაგებობების მდგომარეობას, ეს საკითხი თბილისში ერთ-ერთ მთავარ პრობლემად რჩება. შენობებს გასული აქვს ექსპლუატაციის ვადა და აღნიშნული საბინაო ფონდი ჩანაცვლებას საჭიროებს. ქალაქში ასეთი შენობების რაოდენობა 10 000 აღწევს და მათ ჩანაცვლებას ვგეგმავთ. ეს ძალიან მნიშვნელოვანი პროექტია, როგორც მოქალაქეთა უსაფრთხოებისთვის, ასევე, ქალაქის იერსახის გაუმჯობესებისთვის“, - განაცხადა ანდრია ბასილაიამ. ურბანული განვითარების, განსახლებისა და მიწის განკარგვის კომიტეტის სესიაში თბილისის მერიის ეკონომიკური განვითარების საქალაქო სამსახურის უფროსი ვახტანგ ლომჯარიაც მონაწილეობს.
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



