18:18 - 16 Nov, 2026
ჩვენ შესახებ რეკლამა/ხელმოწერა
2022-10-04 13:55:44, 949 ნახვა

საზოგადოება
თბილისის მერმა ისნის რაიონში ახლად გახსნილი საბავშვო ბაღი დაათვალიერა

თბილისის მერმა კახა კალაძემ თბილისის საბავშვო ბაგა-ბაღების მართვის სააგენტოს ხელმძღვანელ კახაბერ გვანცელაძესთან ერთად, ისნის რაიონში ახლად გახსნილი საბავშვო ბაღი დაათვალიერა. ახალი, თანამედროვე სტანდარტების შესაბამისი ბაგა-ბაღი საინგილოს ქუჩაზე მდებარეობს.

უწყების ცნობით, სკოლამდელი აღზრდის დაწესებულება, რომელმაც აღსაზრდელთა პირველი ნაკადი 15 სექტემბერს მიიღო,  230 ბავშვზეა გათვლილი და 50-მდე ადგილობრივია დასაქმებული.  

„ისნის რაიონში N88 საბავშვო ბაგა-ბაღი გაიხსნა. ზოგადად, საბავშვო ბაღების მშენებლობა-რეაბილიტაცია ძალიან მნიშვნელოვანია. დღეის მდგომარეობით, შვიდი ბაღის მშენებლობა მიმდინარეობს, რომელიც მომავალი წლისთვის დასრულდება. ყველაზე მთავარია ის მიდგომა და დამოკიდებულება, რაც ინფრასტრუქტურასთან დაკავშირებით გვაქვს, თუ როგორი უნდა იყოს საბავშვო ბაგა-ბაღები - კომფორტული, ყველანაირად ადაპტირებული, რათა მშობლებს არ ჰქონდეთ საფიქრალი, რომ თავიანთ შვილებს რაიმე სახის პრობლემა ექნებათ. ბაღი ყველანაირად მოწესრიგებული, გამართული, სუფთაა და ძალიან სასიამოვნო გარემოა. რა თქმა უნდა, ეს სტანდარტი ყოველთვის შენარჩუნდება. კიდევ უფრო მეტს გავაკეთებთ იმისთვის, რომ ჩვენს მომავალ თაობებს მსგავსი საბავშვო ბაღები ჰქონდეთ“, - განაცხადა კახა კალაძემ.

მატივე ცნობით, ახალი შენობა ადაპტირებულია შშმ პირთათვის და აღჭურვილია ბავშვთა უსაფრთხოების საერთაშორისო და ადგილობრივი სტანდარტის შესაბამისად - მოწყობილია სახანძრო უსაფრთხოებისა და ვიდეოსამეთვალყურეო სისტემები, დამონტაჟებულია უსაფრთხოების ბადეები, ასევე, ეკრანი, სადაც მშობლებს შეუძლიათ, პირდაპირ ეთერში ადევნონ თვალი სამზარეულო ბლოკში საკვების მომზადების პროცესს.

"ბაღს აქვს კეთილმოწყობილი ეზო სათამაშო მოედნებითა და ატრაქციონებით. პროექტის ღირებულებამ 3 600 000 ლარი შეადგინა.

ახალგახსნილი საბავშვო ბაღი დედაქალაქის მერთან ერთად, ისნის გამგებელმა ნიკა ელისაშვილმა და რაიონის მაჟორიტარმა დეპუტატმა კახა ლაბუჩიძემ დაათვალიერეს",- აღნიშნულია ინფორმაციაში.





ავტორი: NS (სტატია დაფინანსებულია),


სოციალური ქსელები
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
მეტროს ვაგონების რემონტისთვის გამოყოფილი 41 მლნ ლარის მითვისების ბრალდებით ოთხი პირი დააკავეს
ლაშა ნაცვლიშვილი 2500 ლარით დააჯარიმეს ფეისბუკში მიტროპოლიტ იობის გინების გამო
საკონსტიტუციოს მოსამართლეებს ათობით კითხვა 2024-25 წლებში გამართულ აქციებზე გაუჩნდათ
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics