ანტისაოკუპაციო მოძრაობისა და აქცია „სირცხვილიას“ წარმომადგენლები გორის მერიასთან საპროტესტო აქციას მართავენ.

აქციის მონაწილეები  მერის, კონსტანტინე თავზარაშვილის განცხადებას აპროტესტებენ, რომლის თანახმადაც, ის სოფელ გუგუტიანთკარში შვებულების დასრულების შემდეგ ჩავა.

დემონსტრანტებს ადგილზე სხვადსხვა შინაარსის ბანერები აქვთ მიტანილი:  "რა დროს დასვენებაა, ხალხი ყოველდღე სახლს კარგავს", "გონიოში ოკუპაციას ვერ გრძნობთ", "სირცხვილია" და "რუსეთი ოკუპანტია".

გარდა ამისა, აქციის მონაწილეები დღეს  სოფელ მეტეთის საგუშაგოსთან იყვნენ და გუგუტიანთკარში შესვლას ცდილობდნენ, თუმცა პოლიციამ მათ შესვლის უფლება არ მისცა.

შეგახსენებთ, რომ საოკუპაციო ძალების წარმომადგენლებმა გორის მუნიციპალიტეტის სოფელ გუგუტიანთკარში ე.წ. ბორდერიზაციის პროცესი განაახლეს. მავთულხლართების გაბმის შედეგად,  გუგუტიანთკარში საოკუპაციო ხაზს იქით რაზმაძეებისა და გუგუტიშვილების სახლები მოხვდა. ომის დროს დაზიანებული სახლებიდან ნივთების გასატანად საოკუპაციო ძალების წარმომადგენლებმა, რაზმაძეების და გუგუტიშვილების ოჯახებს სამდღიანი ვადა მისცეს.  დღეს კი, საგარეო საქმეთა სამინისტროს ინიციატივით საოკუპაციო ხაზთან მდებარე სოფელ გუგუტიანთკარში თბილისში აკრედიტებული დიპლომატიური მისიების წარმომადგენლები ჩავიდნენ და ადგილზე იხილეს საოკუპაციო ძალების მიერ ხელოვნური ბარიერების აღმართვის უკანონო პროცესი და შექმნილი რთული ჰუმანიტარული ვითარება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება