დაბის განვითარების პროექტის ფარგლებში შუახევში მსხვილი ინფრასტრუქტურული სამუშაოები მიმდინარეობს.

მშენებლობის პროცესს შუახევის მერი ფრიდონ ფუტკარაძე ინფრასტრუქტურული ღონისძიებების მიმღებ კომისიის წევრებთან ერთად  ადგილზე გაეცნო.

პროექტი, რომლის ღირებულება 1 040 999 ლარია ითვალისწინებს დაბის ტერიტორიაზე  არსებული ავტოსადგურიდან რუსთაველის ქუჩაზე,  ქვეითად მოსიარულეთათვის უსაფრთხო გადაადგილებისთვის საფეხმავლო ტროტუარის, საყრდენი კედელის, სანიაღვრე არხის, სკვერის, მოსაცდელის, გარეგანათების, ავტოპარკინგის და კიბეების მოწყობას.

სამუშაოების ტენდერში გამარჯვებული მიმწოდებელი ამხანაგობა „ემილ-2014“ ასრულებს. ამ დროისათვის  მიმდინარეობს საყრდენი კედლების და სანიაღვრე არხების მოწყობა, კედლების მოპირკეთება, გზის გაფართოება და საფეხმავლო ბილიკის მოწყობა.

მუნიციპალიტეტში, პარალელურად მიმდინარეობს  ადმინისტრაციული ცენტრების და სოფლების კეთილმოწყობაც.

 ამ ღონისძიების ფარგლებში  უკვე დასრულდა ოლადაურის და დღვანის ადმინისტრაციული ერთეულების ცენტრების კეთილმოწყობა. სამუშაოები მიმდინარეობს  ბარათაულის  თემებში და  სოფელ ბრილში. უახლოეს დღეებში დაიწყება ხიჭაურისა და ჭვანის ადმინისტრაციული  ცენტრების მოწყობაც.

მოწესრიგებული ინფრასტრუქტურა ხელს შეუწყობს სოფლებში მოსახლეობის მიგრაციის შეჩერებას, სოფლად ტურიზმის განვითარებას, ადგილობრივებისთვის დამატებითი შემოსავლისა და დასაქმების გაზრდას.

(NS)

ავტორი: ექსპრესნიუსი,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს