ერგნეთში, აგვისტოს ომის მე-11 წლისთავთან დაკავშირებით, საპროტესტო აქცია გაიმართა.

„ევროპული საქართველოს“ ლიდერებმა და მხარდამჭერებმა რუსეთის აგრესია გააპროტესტეს და ოკუპირებული სოფლების მიმართულებით მშვიდობის ნიშნად, ფრანები გაუშვეს.

როგორც „ევროპული საქართველოს“ ერთ-ერთმა ლიდერმა დავით ბაქრაძემ განაცხადა, მთავარი ამოცანაა, საქართველომ მსოფლიოს რუსეთის მხრიდან განხორციელებული აგრესია დაანახოს.

„ქართული საზოგადოება არასდროს არ შეეგუება ოკუპაციას. 2 000 წელი ისრაელმა და ებრაელმა ხალხმა ატარა იერუსალიმის იდეა. ჩვენი მთავარი ამოცანა გახლავთ ის, რომ მსოფლიომ დაინახოს, რომ საქართველო არის მსხვერპლი და რუსეთი არის აგრესორი. ამიტომ, ნებისმიერი განცხადება, მათ შორის, სამწუხაროდ, ქალბატონ ზურაბიშვილის არაერთი განცხადება ომის დაწყებასთან დაკავშირებით პირდაპირ აზიანებს საქართველოს. აზიანებს არა საქართველოს წინა ხელისუფლებას, არა რომელიმე პოლიტიკურ ფიგურას, აზიანებს საქართველოს, იმიტომ, რომ თუ საქართველო არის აგრესორი, თუ საქართველომ დაიწყო ომი, მაშინ რის საფუძველზე ვთხოვთ რუსეთს აქედან გასვლას?!“, - განაცხადა ბაქრაძემ.

ცნობისთვის, სოფელი ერგნეთი სწორედ ის ადგილია, სადაც რუსეთის საოკუპაციო ძალების  წარმომადგენლებმა მშვიდობიანი მოსახლეობა დაბომბეს.

ავტორი: ექსპრესნიუსი,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს