კიევში, 150-მდე უცნობმა პირმა ტელეკომპანია NewsOne-ს ბლოკირება მოახდინა, - ამის შესახებ RBC იუწყება.

ტელეკომპანიის პროდიუსერის ვასილი გოლოვანოვის განცხადებით, ბლოკირებულია იმ ბიზნეს ცენტრის შესასვლელი, სადაც NewsOne-ს ოფისია განთავსებული. 

"შესასვლელთან ხის ჭიშკარი და ტომრები განათავსეს. ამბობენ, რომ არ გაუკვირდებათ, თუ ამ ყველაფერს ხანძარი გაუჩნდება", - აღნიშნა გოლოვანოვმა.

მედია საშუალების ინფომრაციით, თავად ის პირები, რომლებაც შენობის ბლოკირება მოახდინეს, საკუთარ თავებს აქტივისტებს უწოდებენ, თუმცა შესასვლელის ბლოკირების მოტივებზე არ საუბრობენ. აღსანიშნავია, რომ აქტივისტები სამხედრო ფორმაში არიან ჩაცმული. 

უკრაინელი დეპუტატი ევგენი მურაევი, რომელიც NewsOne-ის მფლობელია, ტელეკომპანიის ბლოკირებაში ქვეყნის ხელისუფლებას ადანაშაულებს. 

"მაქვს ინფორმაცია, რომ პრეზიდენტის ადმინისტრაციამ გადაიხადა ფული, რათა დახურონ ერთადერთი ტელეარხი, რომელიც ქვეყანაში არსებულ მდგომარეობას მაქსიმალურად აშუქებს. უამრავი ადამიანია შეკრებილი, ხოლო სამართალდამცველები რეაგირებას არ ახდენენ", - განაცხადა ტელეარხის მფლობელმა.

გარდა ამისა, NewsOne-ის წამყვანმა დიანა პანჩენკომ ქვეყნის პრეზიდენტ პეტრო პოროშენკოს და შინაგან საქმეთა მინისტრს არსენ ავაკოვს მიმართა და სიტყვის თავიუფლების დაცვა მოითხოვა.  

„პატივცემულო მაყურებლებო, ჩვენი ტელეარხი ბლოკირებულია. ჩვენი თანამშრომლები შეშინებულნი არიან, მაგრამ ეთერი გრძელდება. მივმართავთ უკრაინის პრეზიდენტს და შს მინისტრს და მოვითხოვთ პირად კონტროლზე აიყვანონ სიტყვის თავისუფლების ნებისმიერი ხელყოფა“, - განაცხადა წამყვანმა. 

ავტორი: ,

სოციალური ქსელები

აშშ-მ და დანიამ გრენლანდიასთან დაკავშირებით შეთანხმებას მიაღწიეს

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება