ამერიკის შეერთებული შტატების პრეზიდენტი დონალდ ტრამპი იერუსალიმის ისრაელის დედაქალაქად აღიარების საკითხს განიხილავს, - ამის შესახებ Politico იუწყება.

მედია საშუალების ინფორმაციით, აღნიშნულ საკითხთან დაკავშირებით ტრამპი განცხადებას ოთხშაბათს გააკეთებს.

მედიის ცნობით, თელ-ავივში არსებული ამერიკის საელჩოც სავარაუდოდ იერუსალიმში გადავა.  თუმცა, საელჩოს გადატანის საკითხი საბოლოოდ გადაწყვეტილი არ არის.

ცნობისთვის, აშშ-ის მხრიდან ისრაელის დედაქალაქად იერუსალიმის აღიარება ჯორჯ ბუშის წინასაარჩევნო დაპირება იყო, თუმცა მან აღნიშნული გადაწყვეტილების მიღებისგან თავი შეიკავა. იერუსალიმს გაეროსგან გაყოფილი ერთეულის, Corpus Separatum-ის სტატუსი აქვს მინიჭებული. იერუსალიმზე ისრაელი და პალესტინა დაობს. ორივე მათგანი იერუსალიმს საკუთარ დედაქალაქად მიიჩნევს. ანალიტიკოსები წლებია შიშობენ, რომ აშშ-ის მხრიდან იერუსალიმის ისრაელის დედაქალაქად აღიარება რეგიონში კონფლიქტის გამწვავებას გამოიწვევს.

ავტორი: ,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს