ამერიკის შეერთებული შტატების პრეზიდენტის დონალდ ტრამპისა და რუსეთის ლიდერის ვლადიმერ პუტინის დღეს დაგეგმილი შეხვედრა არ შედგება, - ამის შესახებ ინფორმაციას თეთრი სახლი ავრცელებს.

თეთრი სახლის წარმომადგენლის სარა სანდერსის ინფორმაციით, შეხვედრის ორგანიზება ამერიკელი ლიდერის დატვირთული განრიგის გამო ვერ მოხერხდა.

ამასთან, შეხვედრის არ ჩატარების ცნობას კრემლი არ ადასტურებს. რუსეთის პრეზიდენტის პრეს-მდივნის დმიტრი პესკოვის თქმით, მოლაპარაკებები ჯერ კიდევ მიმდინარეობს.

ცნობისთვის, ტრამპის და პუტინის შეხვედრა დღეს, აზია-წყნარი ოკეანის სამიტის ფარგლებში უნდა გამართულიყო. ვლადიმერ პუტინი ვიეტნამში, სადაც   სამიტი მიმდინარეობს, უკვე ჩავიდა. ის იაპონიის პრემიერის, ჩინეთის, ვიეტნამისა და ფილიპინების ლიდერებს უნდა შეხვდეს.

შეგახსენებთ, რომ პირველად ორი ქვეყნის ლიდერი ერთმანეთს პირისპირ მიმდინარე წლის ზაფხულში, "დიდი ოცეულის" სამიტის ფარგლებში შეხვდა.

ავტორი: ,

სოციალური ქსელები

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი

კალაძე ბაღებში ინტოქსიკაციაზე: არც პრობლემებს გავურბივართ, არც პასუხისმგებლობას

ცხინვალში ე.წ აჩევნებზე მარატ კამბოლოვი - 88,4% ლიდერობს

ზახაროვა: რუსეთისა და საქართველოს ხალხებს ერთმანეთი ენატრებათ