2017-03-21 22:36:20, 2280 ნახვა
სამართალი
პრეზიდენტის შვილი: არ ვიცით, ვის მივმართოთ და ვისგან დავიცვათ თავი
არ ვიცით, ვის მივმართოთ და ვისგან დავიცვათ თავი, - ამის შესახებ საქართველოს პრეზიდენტის შვილმა ანა მარგველაშვილმა გადაცემა "არჩევანში" განაცხადა.
როგორც მარგველაშვილმა აღნიშნა, ის მისი სხვა მეგობრების დაკავებასაც არ გამორიცხავს. მისივე თქმით, შესაძლოა, გოგოჭური არ დააკავონ, თუმცა მის კიდევ ერთ მეგობარს, თორნიკე კაჭარავას, მსგავსი ქმედებების განხორციელებას აპირებს სამართალდამცავი ორგანოები.
„შეიძლება, უშუალოდ მინდიაზეც. არ ვიცი, რამდენს გაბედავენ, მაგრამ თორნიკე კაჭარავაზე ზუსტად ვიცი, რომ მსგავს ქმედებებს აპირებენ და პირდაპირ ვაცხადებ, რომ ძალიან ვართ ამით აღშფოთებულები, შეშინებულები და არ ვიცით, ვის მივმართოთ და ვისგან დავიცვათ თავი იმიტომ, რომ ისიც ასევე სახლიდან არ გამოდის“, - განაცხადა ანა მარგველაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
