შს მინისტრის მოადგილის შალვა ხუციშვილის განცხადებით, ელისო კილაძის შვილის დაკავებასთან დაკავშირებით, გამოძიების დასრულებამდე მისი მხრიდან  რაიმე შეფასების გაკეთება მართებული არ იქნება.

თუმცა ჟურნალისტის კითხვაზე, ხდება თუ არა დღეს პოლიციის მიერ წამლის ე.წ. ჩადება, ხუციშვილი ამბობს, რომ პოლიციის მხრიდან  ამ მეთოდების გამოყენებას გამორიცხავს.

„ჩემი მხრიდან რაიმე კომენტარის გაკეთება სწორი არ იქნება, რადგან ჯერ ერთი გამოძიება მიმდინარეობს ამ საკითხზე და მეორე, თვით აღკვეთის ღონისძიების პროცედურები დასრულებული არ არის. რამდენადაც ვიცი, გასაჩივრების პროცესია კიდევ  და დამატებით გენერალური ინსპექცია არის ამ საკითხის შესწავლით დაკავებული. ყველანაირი დასკვნა ოფიციალური შესწავლის და პროცედურების შემდეგ უნდა გაკეთდეს“,-განაცხადა ხუციშვილმა.

შეგახსენებთ, ელისო კილაძის შვილს, დავით ხარშილაძე თბილისის საქალაქო სასამართლომ 15 მარტს ორთვიანი წინასწარი პატიმრობა შეუფარდა.

ხარშილაძეს განსაკუთრებით დიდი ოდენობით ნარკოტიკული საშუალების უკანონო შეძენა-შენახვა ედება ბრალად. ბრალდებული დანაშაულს არ აღიარებს და სამართალდამცველებს მტკიცებულებების გაყალბებაში ადანაშაულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს