მოლდოვის საჰაერო სივრცე კიდევ ორმა უპილოტო საფრენმა აპარატმა დაარღვია

გამოცემის ცნობით, მოლდოვის მთავრობის პრესსპიკერმა, დანიელ ვოდამ დრონების წარმომავლობა არ დააკონკრეტა, თუმცა განაცხადა, რომ საჰაერო სივრცის დარღვევა კვირას, ადგილობრივი დროით, დაახლოებით, ღამის 23:00 საათზე მოხდა. ეს დრო ემთხვევა იმ პერიოდს, როდესაც უკრაინამ განაცხადა, რომ ოდესის რეგიონი რუსეთის თავდასხმის ქვეშ იმყოფებოდა.

დანიელ ვოდას ინფორმაციით, ორივე დრონმა მოლდოვის საჰაერო სივრცე ქალაქ ტარაკლიასთან ახლოს დატოვა.

შეგახსენებთ, 13 თებერვლის ღამეს უკრაინის რეგიონებზე რუსეთის მასიური თავდასხმის დროს მოლდოვის საჰაერო სივრცე რამდენიმე დრონმა დაარღვია. ამასთან დაკავშირებით, მოლდოვას საგარეო საქმეთა სამინისტრომ, პროტესტის გამოხატვის მიზნით, რუსეთის ელჩი, ოლეგ ოზეროვი უწყებაში დაიბარა და გამოაცხადა, რომ კიშინიოვში მდებარე რუსული კულტურის ცენტრს დახურავდა.

ავტორი: ექსპრესნიუსი,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს