გამოცემა Bild-ის ინფორმაციით, პარტია ალტერნატივა გერმანიისთვის (AfD) ლიდერმა ალის ვაიდელმა მათთან ინტერვიუში თქვა, რომ რუსეთთან კარგი ურთიერთობის დამყარება და სანქციების რეჟიმის გაუქმება სურს.

ჟურნალისტის კითხვაზე, რატომ ემხრობა პარტია მილიარდობით ოდენობის თანხის გადაგზავნას იმ რეჟიმისთვის, რომელიც გამუდმებით გამოდის გერმანიის წინააღმდეგ ომის წარმოების მოწოდებებით, ვაიდელი პასუხობს, რომ მას "დიდ სახელმწიფოებთან" კარგი ურთიერთობის დამყარების სურვილი აქვს.

"ჩვენს ევროპელ მეზობლებთან ძალიან კარგი ურთიერთობა გვინდა. [...] მაგრამ ჩვენ ასევე გვსურს, რომ ძალიან კარგი ურთიერთობა გვქონდეს დიდ სახელმწიფოებთან, მათ შორის რუსეთთანაც. ორი წლის წინ ჩვენ იაფი ბუნებრივი აირი გვქონდა რუსეთიდან Nord Stream-ის კონსორციუმის მეშვეობით. [...] ჩვენ რაც გვინდა, ეს სანქციების რეჟიმის დამთავრებაა, რომელიც უპირველეს ყოვლისა ჩვენს ქვეყანას აზიანებს. ჩვენ ყველაზე მაღალი ელექტროენერგიის ფასები გვაქვს. უკვე კონკურენტუნარიანები აღარ ვართ". - ამბობს პარტია AfD-ის ლიდერი.

Bild-მა ვაიდელს ასევე ჰკითხა, თუ რატომ არ აღიარებს იგი იმ ფაქტს, რომ რუსეთი გერმანიას ომით ემუქრება:

"ჩვენ კარგი ურთიერთობები გვინდა. რას აკეთებდა გერმანიის ფედერალური მთავრობა ბოლო 3 წლის მანძილზე რუსეთის წინააღმდეგ? ჩვენ ესკალაციის სპირალში გავეხვიეთ. რუსეთის წინააღმდეგ იყო ვერბალური, ფინანსური და ასევე, შეიარაღებული თავდასხმებიც კი. გერმანული ტანკები კვლავ რუსეთის წინააღმდეგ იქნა გამოყენებული მეორე მსოფლიო ომის შემდეგ. ისტორია სრულად არის დავიწყებული, მე თუ მკითხავთ". - თქვა მან.

ავტორი: ექსპრესნიუსი,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს