რუსეთის საგარეო საქმეთა სამინისტროს ინფორმაციით, ამერიკული მხარის ინიციატივით, აშშ-ის სახელმწიფო მდივანს, მარკ რუბიოსა და რუსეთის საგარეო საქმეთა მინისტრს, სერგეი ლავროვს შორის სატელეფონო საუბარი შედგა.

რუსეთის საგარეო საქმეთა სამინისტროს ცნობით, მხარეებმა გამოთქვეს მზადყოფნა, ითანამშრომლონ აქტუალურ საერთაშორისო საკითხებზე, მათ შორის უკრაინის გარშემო არსებული ვითარების მოგვარებაზე, პალესტინის და, ზოგადად, ახლო აღმოსავლეთში არსებულ სიტუაციაზე, ასევე სხვა რეგიონულ მიმართულებებზე.

როგორც უწყებაში აღნიშნავენ, 12 თებერვალს ვლადიმერ პუტინსა და აშშ-ის პრეზიდენტ დონალდ ტრამპს შორის გამართული სატელეფონო საუბრის გაგრძელების სახით, საგარეო უწყებების ხელმძღვანელებმა შეათანხმეს, რომ „შენარჩუნდება საკომუნიკაციო არხი რუსულ-ამერიკულ ურთიერთობებში დაგროვილი პრობლემების გადასაჭრელად, წინა ადმინისტრაციისგან მემკვიდრეობით მიღებული ცალმხრივი ბარიერების მოსახსნელად ორმხრივად სასარგებლო სავაჭრო-ეკონომიკური და საინვესტიციო თანამშრომლობის გზაზე“.

მხარეებმა ასევე გაცვალეს მოსაზრება „იმ გზების შესახებ, თუ როგორ შეწყდეს სწრაფად ობამას ადმინისტრაციის მიერ 2016 წელს დაწყებული კურსი, რომელიც მიმართული იყო აშშ-ში რუსული დიპლომატიური მისიების ფუნქციონირების პირობების მაქსიმალურ გართულებაზე, რამაც, ბუნებრივია, საპასუხო ზომები გამოიწვია“.

„ლავროვმა და რუბიომ დაადასტურეს მზადყოფნა, ერთობლივად იმუშაონ პრეზიდენტების მიერ დასახული ტონის შესაბამისად ურთიერთპატივისცემაზე დაფუძნებული სახელმწიფოთაშორისი დიალოგის აღდგენაზე. შეთანხმდნენ რეგულარულ კონტაქტებზე, მათ შორის რუსულ-ამერიკული უმაღლესი დონის შეხვედრის მოსამზადებლად“, – ნათქვამია რუსეთის საგარეო საქმეთა სამინისტროს მიერ გავრცელებულ ინფორმაციაში.

ავტორი: ექსპრესნიუსი,

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს