მეფუტკრეობის დარგში სახელმწიფოს მიერ დაგეგმილი ღონისძიებების, ევროკავშირის მოთხოვნებისა და საერთაშორისო სტანდარტების შესახებ ინფორმაცია  სამეგრელოს რეგიონში მოქმედ მეფუტკრე კოოპერატივებს მიეწოდათ.

როგორც „ექსპრესნიუსს“ სოფლის მეურნეობის სამინისტროდან აცნობეს, სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ    მეფუტკრეებს წარუდგინა  სახელმწიფო პროგრამა რომლის ფარგლებშიც თანადაფინანსებით, ღირებულების 30 %-ად გაიცემა სკები, თაფლის საწურები და შესანახი ავზები. პროგრამაში რეგისტრაცია 29 თებერვალს დაიწყო და 16 მარტამდე გაგრძელდება.

უწყების ინფორმაციით, შეხვედრას სოფლის მეურნეობის სამინისტროსა და მის  სისტემაში შემავალი უწყებების - სასოფლო-სამეურნეო კოოპერატივების განვითარების სააგენტოს, პროექტების მართვის სააგენტოს, სურსათის ეროვნული სააგენტოს, სოფლის მეურნეობის სამინისტროს ლაბორატორიის  და    სოფლის მეურნეობის სამეცნიერო-კვლევითი ცენტრის წარმომადგენლები ესწრებოდნენ, მათ მეფუტკრეებს დეტალური ინფორმაცია მიაწოდეს თაფლის ტექნიკური რეგლამენტის მოთხოვნების, ფუტკრის დაავადებებისა და საფუტკრეების მოწყობის თანამედროვე სტანდარტების, ასევე აგროკრედიტისა და ქართული თაფლის  საექსპორტო მაჩვენებლების   შესახებ. ფუტკრის დაავადებათა  კლასიფიკაცია   მეფუტკრეებს  მეფუტკრეობის ექსპერტმა აკადემიკოსმა ვენერა სტეფანიშვილმა გააცნო.

აღნიშნული შეხვედრა სასოფლო-სამეურნეო კოოპერატივების განვითარების  სააგენტოს ინიციატივითა და სოფლის მეურნეობის სამინისტროს კომპეტენციის ცენტრის ორგანიზებით მეფუტკრეობის სასოფლო-სამეურნეო კოოპერატივების მხარდაჭერის სახელმწიფო პროგრამის ფარგლებში ჩატარდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ და დანიამ გრენლანდიასთან დაკავშირებით შეთანხმებას მიაღწიეს

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება