საქართველოს საგარეო საქმეთა მინისტრმა დავით ჯალაღანიამ შეხვედრა გამართა ბერძნული გემთმფლობელი და სატრანსპორტო კომპანიების - „LPL Shipping S.A." და „Alcon Holding Inc." თანამფლობელებთან ჯორჯ კარასთან და პანაგოს ლემოსთან.

საგარეო უწყების ინფორმაციით, შეხვედრაში, ასევე მონაწილეობდა  საბერძნეთის რესპუბლიკაში საქართველოს საგანგებო და სრულუფლებიანი ელჩი იოსებ ნანობაშვილი.

ბერძენი ბიზნესმენები საქართველოს ა.წ. 15-22 თებერვალს სტუმრობენ. ისინი გეგმავენ ბერძნულ-ქართული სანაოსნო-სატრასპორტო კომპანიის დაარსებას, შესაბამისი ოფისის გახსნას და ქართულ ბაზარზე აქტიურად შემოსვლას.

მინისტრის მოადგილემ ბერძენ ბიზნესმენებს მიაწოდა ინფორმაცია საქართველოში არსებული საინვესტიციო გარემოს, ქვეყნის სატრანზიტო  შესაძლებლობების. არსებული სატრანსპორტო ინფრასტრუქტურისა და დაგეგმილი პროექტების შესახებ. დ. ჯალაღანიამ ხაზგასმით აღნიშნა, რომ კომპანიის „LPL Shipping S.A." ქართულ ბაზარზე შემოსვლა წარმოადგენს მნიშვნელოვან ნაბიჯს, რომელმაც ბიძგი უნდა მისცეს ქართულ-ბერძნული სამეწარმეო-საინვესტიციო ურთიერთობების თვისობრივ გააქტიურებას.

ჯორჯ კარასი და პანაგოს ლემოსი შეხვედრებს ასევე გამართავენ  ეკონომიკისა და მდგრადი განვითარების სამინისტროში, სს „საქართველოს რკინიგზაში", საქართველოს საპარტნიორო ფონდში, საქართველოს საზღვაო ტრანსპორტის სააგენტოში, საქართველო-ევროკავშირის ბიზნეს-საბჭოში, ქ. ბათუმის მერიასა და აჭარის ავტონომიური რესპუბლიკის მთავრობაში, ასევე, ქართული პორტების მმართველ კომპანიებთან და სატრანსპორტო სააგენტოებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის დაზვერვა: რუსეთმა დაიწყო კამპანია აშშ-ის არჩევნებში ჩარევის მიზნით

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს